REUNIÓN DO COMITÉ DE EMPRESA DE TVG. 14 de maio de 2012

REUNIÓN DO COMITÉ DE EMPRESA DE TVG 14 de maio de 2012 Nesta xuntanza extraordinaria do Comité de TVG, a solicitude de CCOO, tratouse o seguinte: 1.- A Sección Sindical de CCOO solicitou esta xuntanza extraordinaria para tratar o asunto da rectificación, no Galicia Noticias do 4 de maio, para “aclarar” que o bar que aparecía nas imaxes dunha nova non tiña relación coa mesma. A noticia rectificada con esa “aclaración” é a titulada “Droga Culleredo”, 8ª na escaleta emitida ás 14h05. Relata a denuncia de habitantes dun bloque de vivendas contra os veciños dun dos pisos, porque –segundo contan- venden droga. A información visual da noticia é coma a da maioría das novas dese informativo: a imaxe das testemuñas, a localización do problema (edificio), a do contorno (rúa),.. Nos setenta e nove_segundos que dura a noticia en ningún instante se destaca, nin se ve, nin se distingue a imaxe dun bar. O relato en off e as testemuñas tampouco citan en ningún momento ningún bar. Esta Sección Sindical recolleu de fontes directas a explicación sobre o sucedido: Desde a dirección de informativos, en plena emisión do espazo, telefonouse ao director do programa para dicirlle que tiña que emitir no mesmo esa rectificación da noticia. A argumentación foi que chamara a propiedade dun bar pedíndoa, xa que no seu negocio non tiña relación coa noticia relatada. Consideracións: 1.-A xefa de Informativos desprestixia o bo traballo e esforzo de profesionais dese Servizo sen ningún tipo de miramento. En consecuencia, desacredita e desprestixia esta Empresa sustentada cos impostos da cidadanía. 2-A xefa de Informativos non ve a emisión dos programas elaborados nese departamento. É máis; nin sequera ve a noticia en cuestión antes de ordenar a rectificación. Se a tivera mirado e escoitado, non perdería o tempo outorgándolle valor a unha demanda absurda e dando ordes descabelladas . 3.-Con esa decisión extraña, a xefa de Informativos establece un precedente negativo para que quen queira, e sen razón, esixa que rectifiquemos o que lle dea a gana. Sen embargo, á vista dos acontecementos nos últimos tempos, cando a realidade si esixe rectificación, non a ordena. 4.- Aos reiterados casos de manipulación informativa (caso Campión, folga xeral, marcha do Comité Interempresas contra a represión e a manipulación, etc.) denunciados polos Comités e algúns na prensa, á discriminación profesional (Mentres a uns xornalistas case non se lles asigna traballo, outros/as están sobrecargados/as) practicada a cotío no desenvolvemento do traballo na redacción de Informativos e á realización de entrevistas a altos cargos da Xunta sen participación de xornalista da Casa engádese agora este despropósito, inédito na profesión . 5.- A xestión da xefa de Informativos evidencia que non ten interese ningún e/ou non está cualificada para desenvolver a súa responsabilidade coa eficacia e equidade que require esta empresa pública de comunicación. Cremos que xa van excesivas falcatruadas. Estes feitos afastan máis aos Servizos Informativos do obxectivo de conseguir unha TVG auténticamente democrática e de servizo público, que difunda información veraz, imparcial e plural. Polo tanto, propoñemos a este comité que solicite a quen corresponda que a destitúa do cargo. É evidente que a actual xefa de Informativos é incapaz ou non ten ningún interese en exercer tal responsabilidade nas condicións que esta Empresa Pública require. Vótase a proposta de CCOO: A favor da proposta..............1 - (CCOO) En contra da proposta...........1 - (USO) Abstencións..........................11 - (4 CUT, 3 CIG, 2 USO, 1 UXT, 1 SXG)

REUNIÓN DO COMITÉ DE EMPRESA DE TVG. 8 de maio de 2012

REUNIÓN DO COMITÉ DE EMPRESA DE TVG. 8 de maio de 2012 Nesta xuntanza o Comité de TVG tratou os seguintes asuntos: 1.- A presidencia distribúe a copia dunha resolución da Inspección de Traballo como consecuencia da denuncia de que houbo persoal que excedeu o legal de oitenta horas extras. Inspección resolve “estender requirimento” (non sanciona) ao considerar que o exceso (de 1 a 4 horas máis das oitenta legais) é de pouca transcendencia. En todo caso, reiteramos que facer horas extra prexudica a contratación de profesionais que están nas listaxes agardando traballo. 2.-A presidencia informa dunha carta na que o operador de cámara Carlos Castiñeiras solicita o amparo do Comité por trato discriminatorio no desenvolvemento da súa actividade laboral. Como xa se decidira nun pleno anterior, trasládase o asunto á Comisión Paritaria para solicitarlle á Dirección da Empresa que aclare cal é a situación do traballador e esixirlle que practique un trato igualitario para este compañeiro e demais profesionais. 3.-Canto ao cumprimento do legalmente establecido para persoal en prácticas, bolseiros e beneficiarios da Feuga, o Comité agarda recibir de RRHH a lista dese persoal e manter a observación sobre cómo se desenvolven na práctica esas. Trátase de evitar que a Empresa utilice irregularmente ese colectivo en substitución de profesionais que están, en desemprego, nas listaxes de contratación. 4.-Esta Sección Sindical informa de que nos últimos minutos do Galicia Noticias Mediodía do pasado día 4 de maio se rectificou indebidamente unha noticia emitida once minutos antes no mesmo espazo. Polos datos recollidos desde CCOO sobre este feitos, consideramos que a xefa de informativos deu unha orde descabellada ao pedir que se rectificara onde non había nada que merecera tal exercicio. Estamos ante unha falcatruada inédita por parte da xefatura de informativos que se engade á manipulación reiterada (caso Campeón, tratamento da folga xeral, terxiversación da marcha do Comité Interempresas contra a represión e a manipulación, etc., etc.) e ao sectarismo aplicado a cotío na xestión da redacción de Informativos. A sección sindical de CCOO considera que xa son excesivas as anomalías que evidencian a incapacidade da xefa de informativos para desenvolver tal cargo cargo e pide que sexa destituída. O asunto volverá tratarse noutra xuntanza do Comité, despois de que a presidencia verifique o exposto hoxe sobre esa rectificación absurda emitida nun horario no que habitualmente esta canle logra a maior audiencia. 5.-Acordouse pedirlle por escrito á dirección que publique de inmediato a listaxe de vacacións anuais, pois o prazo máximo establecido para iso no Convenio foi o 15 de abril e nalgún departamento aínda están sen confirmar as datas solicitadas polo persoal. 6.-Como a Dirección segue sen mostrar o novo convenio con Meteogalicia, acordouse que a presidencia o reclame outra vez, previa a reclamación vía xudicial, para termos coñecemento directo dese documento. A próxima xuntanza do Comité de TVG quedou convocada para o día 22 deste mes. San Marcos, 8 de maio de 2012 SERVIZOS Á CIDADANÍA*Sección sindical de CCOO na CRTVG Bando San Marcos, S/N Santiago de

JORNADA DE FORMACIÓN SINDICAL DE COMO ABORADAR LA DIVERSIDAD SEXUAL EN LA NEGOCIACIÓN COLECTIVA

Para reivindicar el 17 de mayo, Dia Internacional contra la LGTBfobia, dando continuidad al trabajo que estamos realizando desde la FSC, os proponemos una Jornada de Formación Sindical sobre cómo abordar la diversidad sexual en la Negociación Colectiva. Se celebrará en Madrid el próximo 16 de mayo.

El objetivo es dotarnos de herramientas contra la LGTBfobia en el entorno laboral. Con una duración aproximada de 7 horas, el contenido y horario del mismo es: 9,30 a 10h. Entrega de materiales y presentación del curso. 10 a 11’30h.: Repaso de terminología y conceptos: identidad, orientación y práctica. Homosexualidad y Transexualidad. Distintos tipos de homofobia/transfobia.  Lola Martín Romero. Socióloga y sexóloga. Autora de distintos estudios sociológicos sobre la población LGTB. Formadora en temas de diversidad sexual. Vocal de ADyG. 11’30 a 14h. Cómo integrar la diversidad sexual en la Negociación Colectiva. Elaboración de cláusulas y fórmulas para que en los Convenios Colectivos y en las Empresas se incluya la realidad LGTB.  Camino Aure Gracia. Secretaria de Política Social de la FSC-CCOO 16 a 19h. Cómo actuar ante situaciones de LGTBfobia. Herramientas para sensibilizar en los centros de trabajo y erradicar la LGTBfobia.  Isidro García Nieto, trabajador social, terapeuta sexual y de pareja. Especialista en intervención con la población LGTB.  Alberto Martín-Pérez Rodríguez, publicista y sexólogo, presidente ADyG Para la realizacion del mismo disponemos de 20 plazas. Para su adjudicacion, la preferencia es haber realizado el curso de nivel I y, el orden de recepcion de las solicitudes. Por favor, enviarme por correo electronico (caure@fsc.ccoo.es) los nombres de las personas interesadas en realizar la Jornada y, conforme las vaya recibiendo os remitire el modo de organizar los viajes y, si es necesario, alojamiento. El plazo es HASTA EL 4 DE MAYO!!! Espero q sea de vuestro interes, Un cordial saludo, Camino

CONCENTRACIÓN DIANTE DO PARLAMENTO

O Comité Interempresas convocou unha concentración diante do Parlamento, o vindeiro venres 27 de abril ás 10,00 horas, con motivo da comparecencia do Director Xeral na Comisión de Control Parlamentario da CRTVG. A concentración convócase para protestar pola persecución que o D.X. está a facer, contra traballadores, traballadoras e representantes sindicais, tras a ocupación das instalaciones da TVG por un grupo de afectados polas participacións preferentes das antigas Caixas de Aforros. A Sección Sindical de CCOO apoia esta concentración e vos solicita a vosa asistencia á mesma. Un saúdo, Sección Sindical de CCOO na CRTVG

NON Á PROVATIZACIÓN DAS TELEVISIÓNS PÚBLICAS

Non á privatización das televisións públicas O PP flexibiliza os modo s de xestión da s televi sións autonómica s públicas O Consello de Ministros celebrado o pasado venres vai enviar ás Cortes xerais un proxecto de lei para modificar a Lei xeral do audiovisual. Con isto pretenden que os distintos gobernos autónomos poidan privatizar ou pechar as súas respectivas televisións públicas. Á espera dunha análise máis extensa dese borrador que ten preparado o Goberno do PP, para Comisións Obreiras supón un atentado directo á liberdade de información, recollida no artigo 20 da Constitución e no noso Estatuto de Autonomía. Esta decisión enmarcaríase nos ataques que o Goberno de Rajoy vén lanzando a todos os servizos públicos esenciais (sanidade, educación, etc.), e a televisión pública tamén o é. Se o peche dun medio de comunicación sempre é unha perda de liberdade e democracia, cuestionar a existencia das televisións públicas vai na liña autoritaria do «pensamento único», de non consentir a lexítima disidencia e de non garantir o acceso da cidadanía a uns medios que son seus e que pagan cos seus impostos. Esta lei pretende externalizar todas as áreas de produción da televisión e, en especial, quere facelo cos servizos informativos coa conseguinte perda de pluralidade, independencia e liberdade que iso supón para a cidadanía. Hai que dicir non a esta forma de facer política contra os intereses xerais de traballadores e traballadoras, de pensionistas, da cidadanía, dos e das estudantes, dos máis débiles… Comisións Obreiras rexeita este borrador contra as televisións públicas por privatizador e reaccionario. Farase unha análise no sector estatal de medios de comunicación para dar unha resposta contundente e unitaria. Comisións Obreiras da CRTVG, pon por riba de todo o servizo público, a súa defensa e a continuidade dos nosos postos de traballo. Seguiremos informando

XUNTANZA DO COMITÉ DE E. DE TVG, 17 de abril de 2012

XUNTANZA DO COMITÉ DE E. DE TVG 17 de abril de 2012 Nesta reunión tratáronse os seguintes asuntos: 1.- Esta sección sindical, atendendo ao interesado que pide o amparo do Comité, expón a discriminación que sofre o operador de cámara Carlos Castiñeiras no desenvolvemento do seu traballo. Logo de explicar polo miúdo a situación, o Comité de Empresa acorda trasladar o problema á Comisión Paritaria. O obxectivo é que a Dirección aclare de quen partiu a decisión de apartar a este compañeiro das retransmisións e que xustifique tal decisión. 2.- Tamén por iniciativa de CCOO debateuse sobre a aplicación das medidas de Seguridade e Saúde Laboral a partir das declaracións, chocantes nalgúns aspectos, que fixeron responsables de produción en acto xudicial celebrado recentemente. O Comité decide comunicalo á Comisión específica para que se estableza o protocolo de actuación nesa materia en retransmisións e se delimiten responsabilidades na aplicación do mesmo. O que se busca é que estea ben claro quen ten a responsabilidade de aplicar as medidas de protección, incluída a distribución ou reparto dos elementos necesarios. 3.- Trasladar á Comisión Paritaria a proposta do SXG sobre cuestións derivadas da eliminación da comida subvencionada que afectan especialmente á quenda da fin de semana: se é posible saír do centro de traballo para comer, en qué hora se pode facer uso do tempo dispoñible para xantar, …Pídese que a acta desa reunión recolla claramente a resposta da Empresa e que se exhiba no taboleiro. 4.- CCOO pide que conste na acta desta reunión a reprobación do Comité á maneira en que se informou do desenvolvemento da folga xeral e das manifestacións do 29M: un tratamento, en imaxes e comentarios, tendencioso e criminalizador da actividade dos piquetes; cómo se informou das manifestación; ónde se emplazaron os directos, etc En definitiva; unha evidencia máis da utilización partidista que esta Dirección está a facer dos Informativos. Comparamos co distinto tratamento que se lle deu no Telexornal á anterior folga xeral (29S de 2010) na que se protestou contra a reforma laboral que aplicara o goberno de Zapatero. 5.- Esta sección sindical tamén expresou o pedimento de que as convocatorias de concentracións de protestas e outras accións en xornada laboral se convoquen a unha hora na que poida participar o maior número posible de traballadores/as. A conclusión é que nunha hora ou noutra sempre hai persoal que non pode acudir por obriga laboral. 6.- A USO aclara que desa sección non partiu a filtración a Galicia Confidencial dunha nota que non contaba coa aprobación de toda a representación sindical. 7.- A próxima xuntanza do Comité de TVG quedou convocada para o día 8 de maio. SERVIZOS Á CIDADANÍA * SECCIÓN SINDICAL DE CCOO NA CRTVG San Marcos, 17 de abril de 2012

RESUMO DOS CONTIDOS MÁIS SALIENTABLES DA REFORMA LABORAL

RESUMO DOS CONTIIDOS MÁIIS SALIIENTABLES DA REFORMA LABORAL

EN MATERIA DE DESPEDIMENTO

Rebaixa xeneralizada do custo do despedimento:

A indemnización por despedimento improcedente redúcese para os contratos
indefinidos de 45 a 33 días por ano traballado, cun máximo de 24 mensualidades
(agora son 42).

Os contratos fixos que actualmente teñan dereito a 45 días por ano manterán esa
contía até a entrada en vigor da nova norma, e a partir dese día a indemnización
pasará a ser de 33 días. O límite para ambos os períodos será de 42 mensualidades.

O despedimento obxectivo —que lles permite ás empresas botar empregados por
causas económicas, organizativas, técnicas ou de produción cunha indemnización
de 20 días por ano traballado— poderá aplicarse cando a compañía teña unha caída
de ingresos ou vendas durante tres trimestres consecutivos, cuestión de moi fácil
xustificación.

Desaparece a esixencia de autorización administrativa previa para as regulacións de
emprego. Ata o de agora, nun 95% acadábase acordo entre a empresa e o persoal.
Agora redúcese a posibilidade de chegar a acordos que superen a indemnización
legal porque o desacordo é máis barato: decídeo o empresario e, se non estás
conforme coa medida, vaise ao xulgado onde se acreditan como sexa as perdas ou
caída de ingresos e a indemnización baixa a 20 días.

Suprímense os salarios de tramitación nos despedimentos improcedentes.

O resultado é unha redución do custo do despedimento improcedente do 43%, unha
caída que chega até o 71% se se xeneraliza o despedimento obxectivo, e que no caso
extremo das empresas de menos de 25 traballadores é do 83% pola achega do
FOGASA.

O novo contrato para PEMES pode rescindirse sen custo no período de proba.
Outras cuestións en materia de despedimentos:

O persoal con contrato nos diferentes ámbitos do sector público estará sometido
ás mesmas causas de despedimento (económicas, técnicas, organizativas ou de
produción) que o da empresa privada, pero aquí denominase «insuficiencia
orzamentaria sobrevida e persistente para o financiamento dos servizos públicos
correspondentes». É dicir, clarifícase o debate desde a anterior reforma sobre se se
poden promover ou non despedimentos colectivos no sector público.

As empresas que despidan máis de 100 traballadores/as deberán articular un plan
de recolocación externa deseñado para un período mínimo de seis meses.

O absentismo laboral individual deixa de estar vinculado ao que se establecera
para o conxunto do persoal, co fin de facilitar o despedimento. É dicir, será causa de despedimento faltar ao traballo, aínda que sexa xustificado, durante un 20% da
xornada en dous meses consecutivos ou o 25% en catro meses non consecutivos.

EN MATERIA DE CONTRATACIÓN:

Non se reduce o número de contratos, crease un máis precario:

Créase un novo contrato indefinido que poderán utilizar as PEMES e os autónomos
con menos de 50 traballadores; é dicir, o 95% das empresas poderán utilizalo. O
período de proba é dun ano o que, tendo en conta a duración media da
contratación en España, implica unha «fixeza» cunha finalización certa e con custo
de despedimento cero. Ademais, reportará unha dedución de 3.000 euros pola
contratación dun primeiro empregado/a menor de 30 anos.
Non se elimina a dualidade, intensifícase: hai persoas desempregadas «atractivas»
para contratar e outras non.

Unha empresa que contrate unha persoa desempregada poderá deducir unha
contía equivalente ao 50 % da prestación que recibe ese empregado por espazo dun
ano. A persoa desempregada poderá percibir, ademais, o 25% da súa prestación. É
dicir, as empresas van contratar unhas persoas e marxinar outras; ademais,
poderán ofertar menores salarios dado que a persoa «contribuirá» a eles.
Non é certo que o mercado laboral español sexa ríxido nin que as empresas teñan
dificultades para contratar. Dende 2002 a 2011, en dez anos, incluídos os últimos
catro de crise, rexistráronse nas oficinas de emprego 158.984.551 contratos de
traballo. Un gran fluxo que demostra a enorme flexibilidade de entrada nas
empresas. Iso si, o 95% son contratos temporais, moitos deles cunha duración de
días. Segundo o propio Goberno, que tamén nisto segue ao pé da letra os ideólogos da
contrarreforma, existe un número excesivo de modalidades de contratos.
Recórtanse dereitos adquiridos:

Fusiónanse nun só contrato indefinido o ordinario e o de fomento do emprego
estable, coas condicións establecidas para este último.
Empeóranse as condicións dalgúns contratos:

A idade máxima para acceder ao contrato de formación e aprendizaxe pasa de 25
a 30 anos (pode estenderse ata os 33) e pode durar entre 1 e 3 anos. O contrato
perde a súa esencia de formación: tras esgotar un período de formación nunha
actividade, o traballador ou traballadora poderá asinar outro contrato de formación
e aprendizaxe noutros sectores. Unha parte da formación pode recibirse na
empresa porque así o empresario se beneficia cunha bonificación equivalente.

Retroceso no contrato a tempo parcial xa que permite a realización de horas
extras, o que favorece a fraude na contratación e ten efectos negativos en
cotizacións e prestacións. Legalízase a fraude que xa se viña cometendo con este
tipo de contratos.

Outras cuestións:

Establécense bonificacións á contratación indefinida de persoas menores de 30
anos de ata 3.600 euros, mentres que para os parados e paradas de longa duración
a cifra será de ata 4.500 euros.

Prohíbese o encadeamento de contratos temporais que superen os 24 meses a
partir do 31 de decembro de 2012.

EN MATERIA DE FORMACIÓN:

Todos os traballadores e traballadoras terán dereito a 20 horas de formación anuais
pagadas pola empresa e vinculadas ao posto de traballo.

Créase unha conta que recompilará toda a formación recibida polo traballador/a
durante a súa vida activa.

Permitirase, ademais, que os centros de formación acreditados executen
directamente os plans de formación.

EN MATERIA DE CONVENIOS:

Deteriora a negociación colectiva, limita a intervención sindical, individualiza as
relacións laborais e consagra o poder unilateral do empresario:

A prórroga máxima dos convenios colectivos vencidos será de dous anos, o que pon
fin á ultraactividade.

Os convenios de empresa, independentemente do tamaño da empresa, terán
prioridade sobre os de ámbito superior.

As empresas con dificultades poderán descolgarse dos convenios con dous
trimestres de diminución de ingresos ou vendas (modificando unilateralmente
salario, xornada, horario, sistema de rendemento…). Se non hai acordo, a empresa
poderá solicitar unha arbitraxe obrigatoria a través da Comisión Consultiva de
Convenios Colectivos.

Descausalízanse as medidas de modificación substancial das condicións de
traballo, a mobilidade xeográfica e os traslados xa que non se require que a
empresa xustifique ningunha situación concreta.

EN MATERIA DE SALARIOS

O empresario pode modificar o salario tanto no recoñecido no convenio ou
acordo como nas propias condicións do contrato; é dicir, vaise producir unha
rebaixa salarial xeneralizada.

A reforma pretende mellorar a competitividade das empresas pola perigosa vía de
reducir os salarios no canto de apostar pola eficiencia. É a estratexia da
«desvalorización interna», unha alternativa cando non é posible desvalorizar a
moeda, que se chegou a cuantificar nunha redución do 25% dos salarios españois.
Para iso facilítase que as empresas non apliquen as cláusulas económicas dos
convenios colectivos do sector, se desvinculen deles e, o que é moito peor e perigoso, autorízase o empresario a reducir de forma discrecional o salario actual que cobran os seus traballadores e traballadoras.

Esta redución pode ser individual, aos empregados que o empresario considere
pouco produtivos, a un grupo ou sección ou a toda a empresa. Establécese un proceso formal de comunicación e negociación, pero a reforma outórgalle ao empresario a capacidade de decisión final.

Amplíanse as posibilidades de mobilidade xeográfica.

OUTRAS MATERIAS:

As Administracións públicas poderán facer convenios de colaboración para a
realización de servizos de interese xeral en beneficio da comunidade con persoas
que cobren a prestación por desemprego; é dicir, as Administracións (sobre todo
as locais) prescindirán de persoal laboral para contar con estas persoas que, por
seren desempregadas, «farán traballos forzosos» sen custo para a Administración.

Elimina a autorización administrativa para suspender ou reducir a xornada.

A suspensión do contrato por causas económicas, técnicas, organizativas ou de
produción ou derivadas de forza maior aplicarase ás Administracións públicas e ás
entidades de dereito público vinculadas ou dependentes que se financien
maioritariamente con ingresos obtidos como contrapartida de operacións
realizadas no mercado.

Retrocédese en dereitos de protección á maternidade: desaparecen as
bonificacións que percibían as empresas ao reincorporaren traballadoras en baixa
ou excedencia por conciliación, e introduce a posibilidade de que, por convenio, se
limite a elección de horarios para permisos por lactación.

Estréitase a colaboración coas mutuas para avaliar a incapacidade temporal dos
traballadores e traballadoras.

Proponse un plan especial da Inspección de Traballo para combater a fraude e a
economía somerxida.

As empresas de traballo temporal poderán actuar como axencias privadas de
colocación, por disporen dunha ampla rede de sucursais distribuídas por todo o
territorio e con ampla experiencia no mercado de traballo. Mercantilízase o dereito
ao traballo.

En resumo, dáselle ao empresario o poder absoluto.
A reforma provoca un desequilibro a favor dos empresarios porque debilita moitas
normas e procedementos que protexían as traballadoras e traballadores. Algúns xa se
dixeron. Facer despedimentos colectivos sen autorización previa, baixar os salarios,
facilitar o despedimento, desvincularse do convenio… son actuacións que reforzan o
poder empresarial. Pero hai máis: a reforma cede ao empresario todo o poder para
modificar as condicións fundamentais do traballo, de forma que os traslados a outros
centros, o horario, as quendas ou a mobilidade funcional e mesmo os ERE de
suspensión de contrato ou redución de xornada pasan a ser obxecto da decisión
unilateral do empresario sen necesidade de acordo ou autorización previa.

OS ATAQUES AOS SERVIZOS PÚBLICOS

O primeiro que fixo o novo Goberno do PP foi aprobar un novo plan de axuste que
recorta 18.000 millóns de gasto público. E anuncia que, para chegar ao obxectivo de
déficit público do 4,4% do PIB, os recortes terían que ser de 45.000 millóns en todo
2012; diñeiro que roubaría da sanidade e o ensino público, das pensións e do resto de
servizos públicos en xeral.

Rajoy conxelou o salario dos traballadores públicos, anula as reposicións de persoal… e concede novos avais por cen mil millóns de euros á banca.

Prepárase unha lei de «estabilidade orzamentaria» que imporá o déficit cero e que dá
prioridade absoluta ao pagamento da débeda por riba dos servizos de sanidade,
ensino, dependencia. Xa estamos sufrindo na sanidade os efectos dos recortes:
reducións de cadros de persoal, xubilacións que non se cobren, contratos eventuais
que deixan de anovarse, reorganización de servizos… E a cousa non fixo máis que
comezar.

A reforma engade novos recortes: postos de traballo ata agora ocupados con contratos
laborais poderán ser ocupados por desempregados perceptores de prestacións. Ás
mobilizacións contra a reforma laboral hai que unir a defensa dos servizos públicos, a loita pola renovación de contratos e contra o peche e a privatización de servizos.


POR TODO O DEVANDITO:·

A reforma aféctanos a todos os traballadores e traballadoras, as medidas que
contén non deixan lugar a dúbidas.

· Só a mobilización firme e sostida pode frear esta reforma laboral, desde as
empresas, os barrios, as cidades… É o maior ataque aos dereitos laborais.

· CCOO temos a responsabilidade de que as mobilizacións freen a reforma.
Para iso somos o primeiro sindicato no Estado.

· As manifestacións do domingo 11 de marzo deben ser a mellor mostra do
grao de responsabilidade e compromiso dos traballadores e as traballadoras
fronte á ofensiva que estamos a padecer.

SEGUES PENSANDO QUE A REFORMA NON CHE AFECTA?

AFÉCTANOS A TODOS E A TODAS, AFÉCTACHE, E MOITO, A TI NON MIRES PARA OUTRO LADO