luns, 17 de xaneiro de 2011

PERMISO POR ENFERMIDADE GRAVE DE MENORES

Estimadas compañeiras e compañeiros:

Os pais e nais traballadoras poden solicitar a prestación para o coidado de menores con cáncer ou outra enfermidade grave.
Os formularios están dispoñibles na páxina da Seguridade Social www.seg-social.es
Un Regulamento desenrolará o concepto de enfermidade grave e o procedemento concreto.

Os pais e nais traballadoras xa poden solicitar a prestación para o coidado de menores con cáncer ou enfermidade grave ante a Mutua de Accidentes do Traballo e Enfermidades Profesionais da Seguridade Social ou a Entidade Xestora con quen a empresa teña concertada a cobertura dos riscos profesionais. Logo se financia cargo a cotas e o xestionan as entidades colaboradoras.

A Lei Xeral da Seguridade Social e o Estatuto dos Traballadores e Traballadoras xa establecen os principios polos que ten que recoñecerse esta nova prestación da Seguridade Social que, aínda que entrou en vigor o pasado 1 de xaneiro coa Ley de Presupuestos Generales del Estado para 2011, precisa da aprobación dun Regulamento para determinar o concepto de enfermidade grave, entre outras cuestións. O feito de que estea vixente desde o 1 de xaneiro de 2011, garante o cobro do subsidio desde a data da solicitude, sempre que esta se axuste ao requirido na Lei e as súas normas de desenrolo.

Os requisitos para o aceso á nova prestación por coidado de fillos con enfermidade grave son os mesmos que os establecidos para a maternidade contributiva: estar afiliado á Seguridade Social e ter cuberto o período de cotización mínimo requirido. A xestión e o pago corresponderán á Mutua

de Accidentes de Traballo e Enfermidades Profesionais ou á Entidade Xestora con quen a empresa teña concertada a cobertura dos riscos profesionais.

A prestación extinguirase cando cese a necesidade do coidado directo, continuo e permanente do menor ou cando cumpra 18 años.

Polo tanto:
* Quen se atope nesta necesidade e teña os requisitos, que solicite o exercicio do dereito de acceso á prestación, aínda estando pendente o desenrolo Regulamentario, xa que entrou en vigor en xaneiro de 2011.
* Redución de xornada mínimo 50 % e ata o 100 %.
* Como o xestionan as mutuas, aínda non sendo unha continxencia profesional en senso estrito e debendo ter recaido, polo tanto, no financiamento vía impositiva e non de cotas, somos susceptibles a posibles actuacións "contra operario". Polo que estaremos atentos á evolución por ver si é preciso adoptar medidas. Sobre todo ao non terse precisado o listado de enfermidades graves nin o que se refire a "coidado continuo, directo e permanente".

Referencia normativa:

Ley 39/2010, 22 de diciembre, PGE 2011.

martes, 4 de xaneiro de 2011

Contestación da Sección Sindical de CCOO ao editorial publicado o día 31 de decembro de 2010 no diario El Correo Gallego

Ao director de El Correo Gallego José Manuel Rey


Sr. Director:
 
En relación co editorial do pasado día 31 de decembro de 2010 "El audiovisual en peligro de muerte", a Sección Sindical de CCOO da CRTVG quere desmentir afirmacións que se realizan no devandito editorial en relación cos salarios do persoal da TVG, así como os xuizos de valor realizados con respecto ao número de traballadores e traballadoras necesarios.

A TVG ten unha plantilla menor aos 700 traballadores e traballadoras, dos cales o 33% son persoal temporal, non chegando a superar os 1000 traballadores e traballadoras si temos en conta as tres empresas, CRTVG, TVG e a RTG. Polo que é falso que a CRTVG sexa excedantaria en Recursos Humanos. Xestionando catro canles de televisión, tres canles de radio e unha páxina web, somos, entre as empresas públicas de radio e televisión, a que ten menos persoal e menor orzamento.

Respecto dos salarios do persoal de TVG, non é correcto o dato publicado polo seu xornal, dado que ningún traballador de TVG nin das outras empresas obtén un salario de 50000 euros nin cifra que se lle aproxime. Entendemos que para que unha información sexa veraz, debería contrastarse coa dirección da CRTVG ou coa sús representación sindical, e non realizar unha

operación consistente en dividir o presuposto de gasto de persoal entre un número de Traballadores e traballadoras que non se corresponde coa realidade, ignorando que nesta partida están incluídos os salarios da alta dirección e os membros do Consello de Administración, que non se computan no cadro de persoal. Ademáis tamén se contemplan as partidas destinadas á substitución das vacacións do persoal e as das licencias establecidas no Convenio Colectivo.

A Sección sindical de CCOO na CRTVG manifesta que con estes datos, non é o gasto de persoal da TVG o que pon en perigo a subsistencia das empresas privadas do audiovisual galego. O que si pode ser cuestionable é que, en 25 anos de existencia do Ente Público, a maioría das empresas galegas deste sector, non foran quen de abrirse ao mercado audiovisual, mantendo unha dependencia exclusiva das partidas recibidas da CRTVG.

Agardamos que teña a ben a publicación destes datos correxindo os erros vertidos no seu editorial.
 


San Marcos a 4 de xaneiro de 2011



Sección Sindical de CCOO na CRTVG

http://www.elcorreogallego.es/opinion/la-quinta/ecg/audiovisual-peligro-muerte/idEdicion-2010-12-31/idNoticia-625564/

CCOO INFORMA

O pasado día 27 de decembro, nunha xuntanza do Comité Interempresas, tratouse da participación de representantes das delegacións nas deliberacións deste comité, e as xuntanzas conseguintes coa empresa. Esta participación sería con voz pero sen voto, sobre asuntos que tiveran relación con eles e so temporalmente mentres non se realizaran Eleccións Sindicais nas propias delegacións e se articulara un Comité Intercentros onde poderían ter representación.

A posición de CCOO, entendendo que, a pesar de non ter presenza no C.I., este Comité sempre defendeu os seus intereses ante a empresa, foi de aceptar a súa presenza nas devanditas xuntanzas, sempre que se lle outorgara o mesmo dereito a calquera outro colectivo que, nun futuro, quixera formar parte nas deliberacións sobre temas que lles afectaran de forma exclusiva.

Esta proposta de CCOO foi rexeitada por non acadar os votos necesarios, mentres que a proposta da CIG, de dar cabida so as delegacións, saíu adiante cos seus votos e a abstención de CCOO e UXT.

Desde CCOO pensamos que esta decisión é discriminatoria con respecto aos demais colectivos da CRTVG, tendo en conta ademais, que as delegacións están en disposición de celebrar eleccións sindicais e así contar con delegados legalmente capacitados para defender ante a dirección as súas demandas.


San Marcos a 4 de xaneiro de 2011

Sección Sindical de CCOO