COMPROMISO COA TRANSPARENCIA

Desde CCOO levamos anos reclamando á empresa un exercicio de transparencia e unha xestión eficiente dos recursos públicos que, ao noso entender, non se está a reflectir en todos os aspectos empresariais, por exemplo nos datos das audiencias dos programas da grella e o custe das producións alleas, exteriorizacións, etc. Así como na asignación arbitraria dos complementos salariais regulados no Convenio Colectivo. En aras desa transparencia e para clarificar a información sobre os custos sindicais que a empresa publicou na web, CCOO quere dar a coñecer a todas as traballadoras e traballadores da empresa a situación da súa representación sindical na empresa.

CCOO ten na CRTVG catro representantes electos no comité de empresa único da CRTVG en San Marcos, do que unha é tamén delegada sindical e, a maiores, outro delegado sindical. Esta representación non seu conxunto outórgalle unha dispoñibilidade de 4.400 horas sindicais, que se distribúen internamente na Sección Sindical do seguinte xeito:

- 1650 horas para a liberación de Enrique Rodríguez Marcos, para a atención da Sección Sindical, control da información entregada pola empresa (copias básicas, incidencias de nómina, etc.) así como a participación no Comité de Seguridade e Saúde Laboral como delegado de prevención da empresa.

- 1650 horas para a liberación de Teté Pérez Pardo, Secretaria Xeral da Sección Sindical de CCOO na CRTVG, para a participación no comité da CRTVG en San Marcos, na Comisión Paritaria de Vixilancia e Interpretación do Convenio Colectivo, e a asistencia como delegada sindical ao resto de órganos de representación sindical. Ademais do traballo como responsable do Sector de Medios de Comunicación de Galicia de CCOO.

- 1100 horas para a súa distribución entre o resto de representación nos seus distintos ámbitos:

• Carlos Juanatey Silva, membro do Comité de empresa da CRTVG en San Marcos, membro do Comité Intercentros da CRTVG, membro da Comisión Paritaria, membro da Comisión para Nova Clasificación Pofesional.
• Jesús Domínguez Lama, membro do Comité de empresa da CRTVG en San Marcos, membro da Comisión de Xestión de Listaxes de Contratación, xestión da páxina web e redes sociais da Sección Sindical.
• Javier López Quian, membro do Comité de empresa da CRTVG en San Marcos, membro do Comité Intercentros da CRTVG.

Cuadro explicativo do que hai que facer para inscribirse no proceso de acreditación de compentencias

A EMPRESA INCUMPRE O CONVENIO AO NON CONVOCAR A COMISIÓN PARITARIA

Na xuntanza do día de hoxe do Comité de San Marcos tratouse a negativa da empresa a convocar a Comisión Paritaria para tratar a contratación de axudantes de realización para cargar as cintas nos vídeos do control de realización. Acordouse instar de forma urxente  que a CRTVG se sente a falar coa representación sindical.

Tamén se lle vai a pedir a RRHH que resolva o exceso de horas que fan os condutores, que xa levan superadas as 90 horas de complemento especial libranza, ampliando a contratación.

Santiago de Compostela, 7 de novembro de 2015

Reclamación dos contratos temporais

Despois da sentenza do Tribunal Superior de Xustiza da Unión Europea sobre a contratación temporal que equipara a indemnización por despedimento cos traballadores fixos, dende Comisións Obreiras convocamos aos traballadores e traballadoras que queiran a pasar pola sección sindical para informarse nos seguintes días.

LUNS DÍA 3 DE NOVEMBRO mañás de 10:00 a 14:00 e de 16:00 a 19:00

LUNS DÍA 7 DE NOVEMBRO mañás de 10:00 a 14:00 e de 16:00 a 19:00

XOVES 10 DE NOVEMBRO mañás de 10:00 a 14:00 e de 16:00 a 19:00

O COMITÉ INTERCENTROS DA CRTVG DENUNCI A UN USO PERVERSO DO CONSELLO DE ADMINISTRACIÓN DO ENTE PÚBLICO POR PARTE DO PARTIDO POPULAR

• Os conselleiros nomeados polo PP non acudiron a unha xuntanza convocada co Comité
• Na orde do día estaba a creación do Estatuto Profesional e o Consello de Informativos e a entrega de 359 sinaturas apoiando a súa constitución
• Os conselleiros do PSdeG van presentar a petición dos traballadores no pleno

Os catro conselleiros nomeados polo PP non Consello de Administración da CRTVG non se presentaron a xuntanza convocada esta mañá cos representantes do persoal, sen que se desconvocara formalmente a xuntanza, que tiña como obxectivo propoñer a posta en marcha do Estatuto Profesional e o Consello de Informativos.

Dende o Comité Intercentros valoramos este desprezo como unha falta moi grave a representación sindical, aos das traballadoras e traballadores da corporación e o mesmo órgano. Tamén queremos deixar constancia de que se está a empregar este órgano público ao servicio partidista do Partido Popular e que segue a liña ditada polo director xeral de suspensión de diálogo coa parte sindical, despois da protesta na redacción contra a manipulación informativa que se fixo no caso das escandalosas escoitas do ministro de Interior en funcións, a pasada semana, que non se emitiron na cadea pública.

Precisamente non mesmo acto tamén se entregaron 359 sinaturas dos traballadores e traballadoras da CRTVG reclamándolle ao Consello de Administración que poña en marcha o procedemento de creación do Estatuto e o Consello.

Os que si acudiron a xuntanza foron os dous conselleiros propostos polo PSdeG, que recolleron as reivindicacións dos representantes sindicais. Aseguraron que van a propoñer, unha vez máis, o cumprimento da lei, levando ao pleno do Consello de Administración, para que se axilicen ao máximo os prazos.

Dende o Comité Intercentros aseguramos que detrás desta ausencia hai un obxectivo; atrasar ao máximo a creación dun órgano como pode ser o Consello de Informativos, que cuestione o traballo de xeito profesional as protestas contra a manipulación das que agora se canalizan a través do Comité e do blog eunonmanipulo.

A EMPRESA QUEDA MUDA ANTE A DENUNCIA DE CCOO DA LISTAXE DE VACACIÓNS QUE INCOMPRE O CONVENIO COLECTIVO

Na xuntanza do día de hoxe do Comité Intercentros coa empresa Comisión Obreiras pediu que se publicase novamente as listaxes de vacacións. Nunha primeira publicación faltaban máis de medio cento de traballadores, e nun segunda seguen a faltar. Ademais hai persoal ao que lle conceden os períodos de xeito que contradí o convenio colectivo. Por exemplo hai boa parte traballadores que teñen concedido o desfrute de vacacións por períodos inferiores a 5 días. Mentres que no convenio se recolle que períodos inferiores a 5 xuntaranse a outro máis longo.

CCOO denunciou que esta é unha práctica habitual da empresa para acentuar as desigualdades e permitir a algúns traballadores/as acordar, de xeito pactado e oculto, con algúns xefes de servizo días ou períodos que a compañeiros/as do mesmo departamento e que teñen as mesmas funcións se lle rexeitan sistematicamente, por exemplo no Nadal.

Comisións tamén pediu novamente que se publicaran os horarios de todos o traballadores, unha petición que cursou hai máis dun mes.

Se nun breve prazo duns días non se atenden estas demandas a sección sindical de CCOO acudirá a inspección de traballo a denunciar estas prácticas discriminatorias. A empresa quedou muda ante a evidencia dos favoritismos.

Proceso de acreditación de competencias.

A empresa asegurou que xa está feita a reserva de crédito de 50 mil euros para poder asinar o convenio coa Consellería de Educación para poder levar adiante o proceso de acreditación de competencias que teñen pensado por en marcha en setembro.

Comité de Clasificación Profesional.

As portas da dixitalización e con meses de atraso a empresa asegurou que vai convocar para este xoves o Comité de Clasificación Profesional. Un primeiro paso para adaptar o cadro de persoal ao novo reto ao que se enfronta a empresa e as traballadoras/es nun novo escenario con novas atribucións.

Santiago de Compostela, 20 de xuño de 2015

Sen información nin actualizacións nas listaxes de contratación.

Cando chega o verán e está pendente un volume alto de contratación para sustituir ao persoal da CRTVG e empresa segue coa estratexia de ocultar información de xeito interesado para outorgar os contratros de xeito arbitrario. Na relación de aspirantes non figura nin o tipo de contratación nin a duración polo que se fai case imposible facer un seguemento e control da contratación que se fai. CCOO pedíulle que se informe cumpridamente a representación sindical e se actualice con puntualidade. Pasa o mesmo coa suspensión e altas voluntarias das listaxes de contratación. Dende Comisións estaremos vixiantes para que dende a dirección da empresa non se fagan este tipo de prácticas. Unhas prácticas que se ben poden estar dentro da legalidade, están moi lonxe de tratar a todos os aspirantes con igualdade, unha desigualdade que CCOO vai a combater ata a extenuación.

CAMIÑANDO CARA O CONSELLO DE INFORMATIVOS

CAMIÑANDO CARA O CONSELLO DE INFORMATIVOS

Tamén se pediu unha xuntanza coa empresa para que aclare as irregularidade nas listaxe de vacacións

Esta mañá o Comité Intercentros está previsto que se reúna co BNG dentro dunha xeira de xuntanzas que se solicitaron a todos os grupos políticos para que asuman o compromiso de lexislar para acadar unha televisión pública de calidade e que non estea suxeita aos cambios de aire políticos. Nesa xuntanza reivindicar unha modificación da blindaxe do director xeral, incluída nunha disposición adicional da Lei de Orzamentos da Xunta, a creación do Estatuto Profesional e o Consello de Informativos, a defensa da produción propia e a dotación dun orzamento suficiente para o desenvolvemento das súas funcións.

Tamén se acordou pedir unha xuntanza coa empresa para que explique as irregularidades que hai na listaxe de vacacións, que a xuízo de CCOO, son unha demostración da desigualdade que dende o departamento de Recursos Humanos se consinte aos diferentes xefes de departamento. Entre eles está a falla de 50 persoas que non saen nesa listaxe, e a de uns 90 que teñen concedidos períodos de xeito irregular que non se axustan ao convenio colectivo.

Santiago de Compostela, 8 de xuño de 2016

ROTACIÓNS NAS ELECCIÓNS XA!!

Tamén se acordou pedirlle aos traballadores que non fagan descargas ilegais

Esta mañá no Comité de San Marcos acadouse pedir a empresa unha xuntanza para trasladarlle unha queixa que dende o colectivo de reporteiros gráficos se presentou por mor da convocatoria de eleccións. Dende 2010 os reporteiros gráfico que traballan para a campaña son sempre os mesmo. CCOO entende que é unha clara discriminación e unha decisión arbitraria do xefe do departamento instalado no amiguismo e a dedocracia. Unha actitude que Comisións non está disposta a consentir chegando si é necesario ata o xulgado se non se corrixe.

Por outra banda acordouse informar aos traballadores do departamento de realización que non realicen descargas de contidos ilegais, que se empregan para fondos no plató de informativos ou mesmo para a elaboración de vídeos informativos. Ao parecer dende as xefaturas dos departamentos de produción e redacción de informativos aseguraron de palabra que serían os propios xefes os que se fan responsables de tales descargas. Dende o Comité lémbrase que o acto ilegal é de quen o comete, ademais de que agora os traballadores están asinando unha cláusula nos seus contratos que prohibe expresamente as descargas ilegais e para abundar no asunto hai unha directriz da Dirección Xeral na insta a non facer este tipo de descargas. Unha vez advertido isto pídese aos traballadores, tanto fixos como contratados, que NON DESCARGUEN, ARQUIVOS DE AUDIO, IMAXES OU VIDEOS DOS QUE NON SE TEÑEN DEREITOS e se hai presións para que o fagan que denuncien a situación. A empresa non pode obrigar a ningún traballador a facer un traballo ilegal e polo que será el persoalmente o que terá que responder ante a Xustiza, de feito xa hai unha demanda por o emprego dunha imaxe descargada dun xornal galego. Nunha próxima xuntanza pedirase que aclare si dende a empresa están a pedir unha explicación polo proceder da empresa que por unha parte prohibe as descargas dos que non se teñen dereitos, algo lóxico, e por outra os xefes de departamentos están a obrigar aos traballadores a descargar contidos ilegalmente.

SEN ACREDITACIÓN DE COMPETENCIAS, SEN CONSELLO DE INFORMATIVOS, SEN INFORMACIÓN , SEN NADA

Esta mañá os membros do Comité Intercentros reuníronse co Director Económico pra desbloquear o proceso de acreditación de competencias. Alí aseguróuselle a representación sindical que despois de dous anos non había unha proposta seria por parte do departamento de persoal dun convenio, nin memoria explicativa nin previsión de gasto. O Comité xa pediu unha xuntanza de urxencia con recursos humanos para aclarar a situación despois de reiterar en numerosas ocasións que dende o departamento económico tiñan 50 mil euros bloqueados da partida de formación que se tiñan que adicar a formación dos 178 traballadores que queren optar a normalizar a súa titulación con vistas a nova clasificación profesional que tamén está bloqueada, dito sexa de paso. O atraso que leva acumulado este proceso fai que este ano moitas traballadoras/es non se matriculasen no ensino ordinario esperando esta vía extraordinaria polo que perderán un curso.

Acordouse pedir unha xuntanza co Consello de Administración para que poña en marcha o Consello de Informativos, despois de que nunha comunicación da Dirección Xeral se aclarara que é o órgano competente para iniciar os procedementos. Ademais iniciará unha xeira de xuntanzas con todos os partidos políticos para acadar con eles un compromiso por escrito para a creación do Consello e se garanta o cumprimento da Lei de Medios Audiovisuais de Galicia. Ante a ausencia deste órgano Comisións Obreiras propuxo que se pedira a Xunta Electoral un especial seguimento dos contidos políticos non espazos informativos non electorais da CRTVG, para evitar que se vulnere a lei.

Ao abeiro do artigo 64 do Estatuto dos Traballadores o Comité Intercentros vai poñer unha denuncia ante a inspección de traballo polo bloqueo sistemático de todo tipo de información á representación sindical.

Dentro desta petición de información tamén se solicitará a Dirección Xeral a entrega ao Comité do Informe de Servizo Público do 2015 que se acaba de presentar na comisión de control da Corporación CRTVG do Parlamento e do que a representación sindical tivo coñecemento pola prensa.

O Comité tamén quere desmentir que propuxera membros para o grupo de traballo da dixitalización que recentemente ven de facer público o director xeral. Aclara isto porque algúns traballadores amosaron o seu descontento polas persoas elixidas e nos departamentos correspondentes aseguraron que foran propostos polos sindicatos. Iso é rotundamente falso.

Dentro de outros temas tamén se acordou colaborar na campaña denominada Badaladas pola prevención do suicidio, do Movemento Galego de Saúde Mental, de concienciación para a creación dun Plan de Prevención do Suicidio en Galicia.

Santiago de Compostela, 1 de xuño de 2016

ESTATUTO PROFESIONAL E CONSELLO DE INFORMATIVOS XA!!!

Na xuntanza do día de hoxe do Comité Intercentros acordouse enviar un escrito a Dirección Xeral no que se lle pide que inicie o procedemento para a creación do Estatuto Profesional e o Consello de Informativos recollidos na Lei de Medios Audiovisuais de Galicia 09/2011. Despois de máis de catro anos xa vai sendo hora de que se cumpra a lei. Tamén se acordou comezar unha recollida de sinaturas entre os empregados/as da CRTVG para apoiar esta iniciativa.

Non son máis que os dous primeiros pasos dunha folla de ruta que o Comité ten pensado levar adiante con obxectivo último de que se cree o Estatuto e o Consello.

Santiago de Compostela, 18 de maio de 2016

CCOO coida «electoralistas» as promesas da Xunta sobre a atención a persoas dependentes

• O presidente galego presume dun aumento do número de persoas atendidas, pero o sindicato repróchalle o incremento das listaxes de espera

O Sindicato Nacional de Comisións Obreiras de Galicia (CCOO) coida «electoralistas» as promesas da Xunta sobre a atención a persoas dependentes. Adela Poisa, secretaria de Política Social de CCOO, considera «positivo» o anuncio do presidente Feijóo de que se incrementará o número de horas de axuda a domicilio, pero repróchalle que faga pública a decisión a menos de dous meses das eleccións xerais e coas galegas previstas para o 

17 MAIO DE 2016, DÍA DAS LETRAS GALEGAS

DECLARACIÓN DAS COMISIÓNS EXECUTIVAS DO SINDICATO NACIONAL DE CC OO
DE GALICIA E A UNIÓN XERAL DE TRABALLADORES DE GALICIA

Ante un novo 17 de Maio, Día das Letras Galegas, as Comisións Executivas da Unión Xeral de Traballadores de Galicia e do Sindicato Nacional de Comisións Obreiras de Galicia reafirmámonos no insubstituíble papel da lingua galega para a nosa sociedade, tanto na dimensión de vehículo de comunicación como na de valioso herdo cultural. Os traballadores e traballadoras de Galicia asumimos a responsabilidade de coidalo, protexelo e difundilo, como manifestación de cidadanía responsable.

O galego perténcelle a toda a sociedade; é un tesouro colectivo que debe manterse alleo a calquera tipo de confrontación. Son aínda relativamente recentes episodios vergoñentos en que a lingua galega foi utilizada co obxectivo de obter réditos políticos. Cadrando coas eleccións autonómicas do ano 2009, viviuse unha situación de crispación como non se lembraba, chegándose incluso a cuestionar o papel da lingua galega no ensino.

Daquela tempestade vivimos aínda hoxe as consecuencias por culpa do mal chamado decreto do plurilingüismo, que rebaixou a presenza do galego no ensino, e por culpa tamén da nova lei educativa, a LOMCE, que degradou as linguas cooficiais distintas do castelán.

Ano electoral

Neste ano, que será dobremente electoral, esiximos que os futuros gobernos estatal e galego derroguen estas dúas normas e, no caso de Galicia, que se recuperen os consensos sobre unha cuestión tan importante. O Plan xeral de normalización da lingua galega, aprobado por unanimidade do Parlamento de Galicia no 2004, ha ser o principio reitor para recuperar un consenso que xamais se debeu arrecantar por culpa de intereses espurios. Coa ollada posta nas eleccións galegas do vindeiro outono, esiximos que a lingua sexa un elemento de consenso ou, polo menos, que quede fóra da liorta partidista.

O homenaxeado, Manuel María

Por último, CCOO e UGT alentamos a cidadanía galega a tomar parte nesta permanente e esencial tarefa de lograr a plena normalización lingüística. Instamos, tamén, a todas as traballadoras e traballadores galegos a que se sumen a este compromiso e a que celebren con entusiasmo o Día das Letras Galegas, dedicado este ano ao polifacético escritor Manuel María.

Galicia somos nós,
a xente e máis a fala.
Se buscas a Galicia,
en ti tés que atopala.

Sirvan as palabras do homenaxeado como colofón, mais tamén para reiterar o que expresamos nesta declaración.

ACORDO PARA O DISFRUTE DAS LIBRANZAS POR FESTIVOS

Tamén se pedíu a empresa que publique os horarios de todos os traballadores.

Na xuntanza do día de hoxe do Comité Intercentros co director de Recursos Humanos acordouse uns criterios para a as libranzas por compensación de festivos. Durante o 2016, e só para este ano, non se poderán pegar as libranzas as vacacións só durante dos meses de xullo e agosto. Para o resto dos meses en caso de non haber acordo co xefe de servizo o traballador/a fará unha petición que a empresa responderá nun prazo de 5 días. No caso de ser a resolución negativa para o traballador/a o/a solicitante poderá facer unha segunda solicitude que terá que variar 15 días nas datas de desfrute (15 días antes ou despois) que tiña pedida por primeira vez, unha segunda solicitude que será concedida obrigatoriamente pola empresa.

Tamén se lle pediu que a empresa publique unha relación dos horarios de todo o persoal, xa que ata o momento só se comunican os do departamento de Medios de Producción e Realización.

Santiago de Compostela, 13 de maio de 2016

UNHA SEMANA MÁIS ESPERANDO AS VACACIÓNS.

A empresa di que vai fixar criterios de asignación iguais para todos os departamentos

Na xuntanza do día de hoxe do Comité Intercentros co director de Recursos Humanos acordouse que a empresa vai establecer criterios fixos para todos os traballadores/as a hora de conceder as vacacións, libranzas por festivos e asuntos propios. Para que todos os traballadores/as poidan comprobar que se respectan estes criterios a publicación da vacacións a empresa atrasa a publicación das listaxes unha semana máis, incumprindo o convenio colectivo que daba como data límite mediados de abril. Nun principio dende RRHH asegurouse que este ano de xeito excepcional e debido ao aumento de libranzas que hai non van permitir pegar os días libres as vacacións do verán que preferentemente, non obrigatoriamente, se poden coller entre xuño e setembro, aseguraron que nos meses de verán a prioridade son as vacacións fronte aos asuntos propios. Esperamos que isto quedará aclarado o vindeiro mércores.

Entre outros acordos a empresa di que vai estudar a posibilidade de incluír o concepto de antigüidade na nómina e tamén o de cotización da empresa, este último punto incumpre a lexislación vixente. Tamén fixou un mes para comunicar aos traballadores/as a data na que vai pagar a parte proporcional da paga extra do 2013, que vai do 1 de xaneiro ao 28 de febreiro.

Consello de Redacción: unha ferramenta para o Dereito da Información.

O Comité Intercentros está a artellar unha charla-coloquio na que se abordará a necesidade da existencia dos Consellos de Informativos nos medios públicos e na CRTVG. A dita charla asistirán membro do Consello de Informativos de RTVE. Convocaranse asembleas a vindeira semana, xoves e sábado,. para falar sobre o particular

Santiago de Compostela, 4 de maio de 2016

CCOO DENUNCIA EL DESPRECIO A LA LIBERTAD DE PRENSA EN LA AGENCIA EFE EL DÍA DE SU CELEBRACIÓN MUNDIAL

Año y medio sin Consejo de Redacción y de sometimiento de la información a intereses espurios La Organización de las Naciones Unidas (ONU) acordó en 1993 que cada 3 de mayo se celebrara el Día Internacional de la Libertad de Prensa.La Agencia Efe, empresa pública de comunicación social, sigue sin disponer de una regulación legal que la ampare plenamente en el ejercicio de este derecho, según las disposiciones de la carta de los Derechos Humanos de la ONU de 1948 o de la Constitución Española de 1978.La perseverancia durante años pasados de algunas fuerzas sindicales consiguió que se reconocieran como derechos algunos aspectos relacionados con el ejercicio de la profesión periodística y la libertad de prensa en esta empresa pública y que se plasmaran en un Estatuto de Redacción, que se vinculó al Convenio Colectivo de Efe (BOE 15-10-2010 https://www.boe.es/diario_boe/txt.php?id=BOE-A-2010-15771) hace una década. Unos días atrás, el grupo parlamentario de Podemos presentó una proposición no de ley para dotar a Efe de una legislación que regule su actuación como servicio público en el sector informativo (http://www.congreso.es/public_oficial…/…/D/BOCG-11-D-64.PDF…), encaminada a facilitar el control parlamentario de su gestión y actividad y a liberarla de las ataduras e intereses que desde años la atenazan.Además, ese Estatuto de Redacción, corpus ético de los profesionales del periodismo de Efe y de sus filiales, colaboradores habituales y otros compañeros de "batalla de la noticia" -cámaras, fotógrafos, periodistas, editores, etc.-, establecía la creación de un Consejo de Redacción, órgano encargado de velar por su cumplimiento.Pues bien, una vez disueltas las Cortes, cuatro meses después de celebradas las pasadas elecciones generales, esta sección sindical quiere resaltar la situación en la que se encuentra la agencia pública de comunicación Efe con un Ejecutivo en funciones en este día de exaltación de la Libertad de Prensa.Efe carece de Consejo de Redacción desde hace más de un año y medio al considerar el presidente de esta empresa pública, José Antonio Vera Gil, y su equipo directivo que ha concluido su mandato y no puede actuar “en funciones”. Además han paralizado las elecciones para su renovación en dos ocasiones desde el otoño de 2014.Todo esto sucedió por la intención de los gestores de Efe de bloquear la inclusión al censo electoral de esas elecciones al Consejo de Redacción de participantes que en otras ocasiones lo fueron y que la dirección decidió que no podían participar por cuestiones "semánticas" -lo que antes era una filial ahora es una participada, para los gestores de Efe y Efeagro-.En el fondo, lo que importaba era si Efeagro y sus negocios e informaciones, filial de Efe y controlada por un "amigo de Vera", César Lumbreras, después de que BBVA vendiera su 50 por ciento en la sociedad a un supuesto testaferro del mismo, Isidro Santacreu, pudiera ser fiscalizada como lo fue antaño o serlo en adelante.Finalmente, fue la observancia o no de la norma o de la costumbre lo que ha condicionado que la agencia de noticias propiedad detodos los españoles carezca desde hace casi dos años de un órgano que escrute las buenas prácticas del ejercicio periodístico en Efe, cuyas funciones se están torciendo últimamente -en 2013 cambió su objeto social e incluyó la faceta de organizador de eventos y receptor de patrocinios-.El resultado de todo ello queda claro para esta sección sindical, aunque muy pocos lo reconozcan: Efe se ha convertido en un reino de taifas durante este gobierno del PP y los principios de interés general, veracidad, representatividad, etc., han quedado bajo el sometimiento de lo particular, gubernamental, patrocinado…Todavía pueden alzarse algunas voces y la periodista azerbaiyana presa y galardonada este año con el premio internacional de la Libertad de Prensa, Jadira Rovshan Ismailova (http://www.unesco.org/…/azerbaijani_journalist_khadija_is…/…), a la que apoyamos en su denuncia, sirve incluso para justificar nuestro discurso (Efe suscribió acuerdos con la ex república soviética de Azarbaiyán, de dudosa calidad democrática, y con la "dictadura" de Kazajistán de cuyos detalles nada sabemos después de varios años).CC.OO. aprovecha nuevamente para pedir explicaciones al presidente de Efe sobre su proceder en esta legislatura que acaba de terminar y para recordarle que los pasos dejan huellas, incluso los que no se han caminado porque no se ha permitidodar.

Madrid, 3 de mayo de 2016.

NON CABE RECTIFICACIÓN

O Comité da por verídico o incidente do Venres Santo

Na xuntanza do día de hoxe do Comité de San Marcos acordouse respostar a Dirección de Recursos Humanos a súa petición de rectificación polas explicacións que o se pediron polo incidente acontecido na redacción de informativos o Venres Santo, unha comunicación na que ademais se pediu a dimisión da directora de informativos.

Segue a censura na TVG

O Comité pedirá explicacións a Dirección da TVG ante a denuncia pública dun grupo musical, Ataque Escampe, ao que lle cortaron unha estrofa no medio dunha canción durante a súa emisión no programa Musigalité na que dicían “Isto é un atraco, chegarei até o final por unha vez. Adeus, cabronazos, voume a un paraíso fiscal como fan os do PP”. NO director xeral xa asegurou que foi unha decisión da produtora que fai o programa, unha decisión que dita produora asume como técnica. En opinión dos profesionais desta empresa a decisión técnica pouco se sostén cando se fai un corte no medio dunha estrofa a non ser que abedeza a razóns de supresión do contido.

Ultimato a dirección da CRTVG

Despois dunha xuntanza a semana pasada do Comité con Rosa Vilas, directora da División de Radio Televisión de Galicia na que se facilitou unha información que non é completa, xa que deu unha programación na que non se recollen programas que xa empezan a emitirse esta mesma semana acordouse dar ata este venres de prazo a empresa para que facilite toda a información a que ten dereito o comité (audiencias, programación, orzamentos, programación da radio, información sobre o departamento de novas canles,....), e que xa se pediron de xeito reiterado. Senón se facilitan acudirase a Inspección de Traballo para que inste a empresa a facelo.

Santiago de Compostela, 3 de maio de 2016

Proposta da creacion dun portal para os contratos de substitución

EXPOÑEMOS

A información á que se pode acceder das listaxes de contratación é inservible tanto pola falla de claridade como pola falla de actualización. Nela mantense a orde que se obtivo na puntuación da OPE, pero os contratos están mesturados coa xente que non está contratada, as persoas que están activas na listaxe coas que pediron a suspensión dos chamamentos, non está actualizada e non se pode facer ningún tipo de consulta de datos anteriores. É dicir, non serve para nada.

SOLICITAMOS

Que se poña en marcha un portal onde se poida consultar o estado das contratacións e postos de listaxe de cada persoa por categorías semellante ás que se empregan noutros entes da administración pública (educación, sanidade). Dita consulta poder ser pública e totalmente aberta ou mediante unha clave facilitada aos/ás integrantes de cada lista.

Este tipo de ferramenta debería permitir consultar o estado de contratación do aspirante (activo, suspenso...), orde de chamamento, tipo de contrato (IT, licenza retribuída ou non retribuída, etc.), data de inicio e fin prevista (se a hai) do contrato, as modificacións que se van facendo en cada categoría de todas as persoas que están en cada listaxe, así como as vacantes libres e adxudicadas, ademais de poder consultar os datos de xeito nominal.

Os membros da Comisión de Listaxes deberán ter acceso de lectura como administrador do portal a unha información máis ampla de todas as incidencias de cada listaxe na que consten os contratos ofertados aceptados e rexeitados, data e motivos de renuncia ou suspensión de chamamentos, etc.

As listaxes poderán e deberán estar actualizadas en tempo real e sería óptimo que se puidese establecer un servizo de notificación vía correo electrónico ou mensaxe das novidades que se produzan e mesmo as posibles adxudicacións de contrato.

Ao mesmo tempo este portal podería servir para modificar o estado de cada aspirante na listaxe, de xeito que dende o seu usuario poida activar ou desactivar o seu estado na listaxe -temporal ou definitivamente- e aceptar ou rexeitar o chamamento, modificar as súas preferencias, etc.

Sería idóneo que a consulta permitise ao usuario/a elixir mediante pestanas ou filtros ver todos os aspirantes da listaxe (con e sen contrato en vigor), eliminar da súa vista de listaxe ás persoas con contrato indefinido ou obra ou só ver as persoas pendentes de chamamento, se así o decide o usuario.

Ante a dúbida que se pode presentar pola Lei de Protección de Datos (LPD), hai que dicir que, por exemplo en educación, calquera cidadán pode acceder aos datos do persoal que traballa como substituto e ver o historial de contratos. A seguinte é unha busca aleatoria de mostra na que se pode ver o resumo histórico que ten o primeiro substituto de ensino en secundaria na especialidade de debuxo.

https://www.edu.xunta.es/substitutoslistas/

https://www.edu.xunta.es/substitutoslistas/ListadoSubstitutos.do

https://www.edu.xunta.es/substitutoslistas/VerHistorico.do?DIALOG-EVENT-ver&id_personas=14294&nome_completo=DUE%C3%91AS%20DORRIO,%20ANTONIO%20%20%20%20%20%20%20%20%20%20%20%20&nome_especialidade=590009%20-%20Debuxo&colectivo=Interino

É de supoñer que a LPD non é un atranco se noutros eidos da administración non hai problema para facer públicas as listaxes, a non ser que se invoque a privacidade dos datos para ocultar manobras que pouco teñen que ver coa transparencia tan anunciada no noso portal corporativo. Tamén é de supoñer que outros órganos públicos non están incumprindo as leis polo que non vemos impedimento á publicación actualizada e útil das listaxes de contratación.

Se a dificultade técnica é insuperable á hora de xestionar os usuarios e as claves, propoñemos que a consulta sexa aberta, pública, para todo o que queira consultala e en calquera categoría, pero sen posibilidade de modificación ou interacción coas persoas integrantes das listaxes. Iso si, puidendo ter acceso aos datos expostos anteriormente (estado de contratación, orde de chamamento, tipo de contrato, data de inicio e remate prevista do contrato e as modificacións que se van facendo en cada categoría de todas as persoas que están en cada listaxe), así como as vacantes libres e adxudicadas e o historial de contratación de cada substituto/a.

Vese a necesidade de poñer unha data para a posta en marcha deste portal, polo que propoñemos que sexa como moi tarde o 30 de xuño de 2016, cando se cumprirían 4 anos da entrada en vigor das listaxes, catro anos que levamos con información insuficiente e con semanas se non meses de atraso.

O DIRECTOR XERAL NON RECIBE AO COMITÉ INTERCENTROS

Pedimos explicacións dos criterios das vacacións, libranzas e asuntos propios

O director xeral, Sanchez Izquierdo, remitiu unha nota ao Comité Intercentros na que delega a explicación do nomeamento da nova xefa de servizo de Responsabilidade Social e Asesoramento Lingüístico, ao director de recursos humanos. Un xesto que amosa o desprezo que ten o director, que vai camiño de converterse que máis tempo bote no cargo, polos representantes dos traballadores.

Un asunto máis ao que terá que atender Jorge Varela e dos que o comité está esperando unha resposta, algúns dende nai máis dun mes, e dos que tampouco informa e xa van máis dunha ducia as comunicacións que ten pendentes.

A todo isto terá que engadirlle as explicacións por parte da empresa dos criterios obxectivos que se van empregar na concesións de vacacións, libranza e festivos, xa que cada xefe de servizo está a aplicar os criterios que lle peta e como medida preventiva aos conflitos que se presentan ao ter que desfrutar os días de vacacións e asuntos propios do 2015. Será nunha xuntanza que se solicitou con Recursos Humanos e esperemos que o señor Varela atenda en tempo e forma.

DIMISIÓN DA DIRECTORA DE INFOMRATIVOS, DENUNCIA EN INSPECCIÓN DE TRABALLO, ABUSO DOS CONTRATOS EN PRÁCTICAS E PROBLEMAS COAS SUBSTITUCIÓNS

Na xuntanza do comité de San Marcos acordouse remitir un escrito a dirección da CRTVG para pedir a dimisión de Pilara Bermúdez e unha explicación do que parece ser a presión da directora de Informativos da casa que exerceu sobre o director accidental do Telexornal Serán para que lle asignara menos carga de traballo a un redactor, que resultou ser o seu esposo nun día no que por ser festivo o persoal estaba en cadro.

Denuncia na inspección de traballo

A proposta de Comisións Obreiras o Comité da CRTVG en San Marcos vai denunciar na inspección de traballo para que a empresa entregue a información desagregada dos contratos dos provedores da Radio Galega, despois de que xa se denunciara a negativa da empresa a dar eses datos. Despois de que lle obrigaron a dalos, deron unha versión que non se entende.

Abuso dos contratos en prácticas

O Comité tivo coñecemento de que nos departamentos de reporteiros gráficos e grafismo están a cambiar de quenda continuamente aos traballadores con contratos en prácticas sen cobrar dispoñibilidade, evitando así empregar outro tipo de persoal que sí cobra este complemento ou non seu defecto contratar xente das listaxes de substitución. Dende o comité váiselle pedir a RRHH que remate con esta práctica.

Situación precaria na Radio Galega

Tamén se tomou a decisión de esixir a empresa que controle os recursos da Radio Galega despois da queixa dun xefe de área queixándose da calidade dos cortes que se emiten no informativo da mañá despois de que só quedase un técnico na quenda de noite ao que se pide que faga un control dun programa en directo e máis edite os cortes dos tres redactores que están na súa quenda.

Sen información da empresa

Despois de máis dun mes que se lle pediu información ao director de Recursos Humanos sobre a presenza de equipos da Radio Galega en domicilios particular de colaboradores seguimos sen resposta e imos urxir a resposta por escrito.

Santiago de Compostela, 5 de abril de 2016

Festivos, libranzas de Nadal e horario de comida tratados na Paritaria

Na reunión mantida hoxe da Comisión Paritaria tratáronse
os seguintes asuntos:

TEMPO DE COMIDA E CEA

O artigo 34.6.3 establece que non se computará como
tempo de traballo o tempo dedicado a comida ou cea,
respectando o establecido no artigo 33.5.1 que determina
uno tempo en 40 minutos, incluíndo o dereito ao descanso
de 20 minutos das xornadas continuadas. Como nos
eventos realizados en exteriores, que outorgan dereito a
dieta, este tempo parece moi curto, e dado que en
ocasións se realizan paradas, para comer ou cear, que
superan en moito ao tempo necesario para este fin, e
tratando de evitar que estas paradas foran descontados de
forma arbitraria do tempo de traballo, chegouse a unha
interpretación, pendente dun acordo de redacción, que
determine un tempo máximo de unha hora de desconto por
cada comida ou cea, sen que estean incluídos neste
desconto o dereito aos 20 minutos de descanso das
xornadas continuadas, do que se poderá dispoñer a
maiores. No caso de que, por circunstancias excepcionais
non se puidera gozar deste tempo, a empresa facilitaría un
catering individual aos traballadores e traballadoras
afectados, non sendo descontado tempo ningún da súa
xornada laboral.


DESFRUTE DOS DÍAS DE COMPENSACIÓN DE FESTIVOS E DÍAS LIBRES.
A parte social propuxo á empresa que se renovara o
acordo de Comisión Paritaria do convenio colectivo anterior
que establecía que, no caso de non chegar a acordo nos
días de desfrute destas compensacións, estes días
engadíanse ao primeiro período de vacacións. A empresa
resposta que, neste ano, tiñan moi complicado aplicar este
acordo a causa dos días adicionais de vacacións e asuntos
propios derivados do ano anterior. A parte social esixiu
entón que propuxera unha alternativa que permitira, a
todas as traballadoras e traballadores, gozar deste dereito
a compensacións en días libres. A empresa comprometeuse
a presentar unha proposta nun prazo máximo de dez días.

NON SE PODE OBRIGAR A TRABALLAR  O 25 DE DECEMBRO E 1 DE XANEIRO CONSECUTIVOS
A parte social comunicou á empresa que algúns
responsables intermedios estaban a dicir que este artigo
non rexía para este ano 2016, xa que, tanto o 25 de
decembro como o 1 de xaneiro do 2017, coincidían en
domingo e, polo tanto, non eran festivos. A empresa dixo
que o artigo era claro e que, pese a que este punto está
incluído no artigo 39 de descanso semanal e festas, na
redacción do punto non se fai referencia aos festivos,
senón que fai referencia ás datas concretas e que se terá
que organizar o traballo de forma que se libre un destes
días.

RECURSOS HUMANOS SEGUE REXEITANDO PROPOSTAS E SEN FACILITAR INFORMACIÓN AO COMITÉ

Non permite a ampliación de horarios da cafetería 

Rexeita a posta en marcha dunha WIFI aberta

Descoñece o emprego de material da CRTVG por particulares 

EQUIPOS DA RADIO EN DOMICILIOS PARTICULARES 

Dende o Comité pedíuselle explicacións ao director de Recursos Humanos sobre a presenza de equipos da CRTVG en domicilios particulares para que certos colaboradores traballen dende a súa casa. Esta decisión tomouse pola dirección argumentando que ían gastar menos, pero dende a sección sindical entendemos que esa instalación de equipamento permanente de medios públicos para uso privado é cando menos irregular. RRHH recoñeceu a existencia de cesión de equipamentos pero só en casos puntuais aducindo descoñecer outras situacións.  A parte social pediulle unha relación dos colaboradores que teñen equipos na súas casas, data de instalación e persoal da empresa que fixo eses traballos. 

OS HORARIOS DE CAFETERÍA NON SE AMPLÍAN 

A parte social pediu que se lle permitira a empresa que xestiona o servizo de cafetería que amplíe os horarios. Dende CRTVG din que non se pode permitir que de xeito unilateral a concesionaria modifique as condicións do contrato. Tamén informou da demanda que presentou a anterior concesionaria de 422 MIL EUROS por considerar que a CRTVG é responsable da inviabilidade económica da empresa ao non manter as condicións que se lle ofertaran na contratación que a levou a rematar con perdas. 

AS VACACIÓNS VAN DE XUÑO A SETEMBRO 

RRHH negou que deran ordes para que as vacacións só se pidan nos meses de xullo e agosto como lle manifestaron algúns xefes de servizo a traballadores. Dende o departamento de persoal aseguran que o período para pedir vacacións é o establecido no convenio: de xuño a setembro, tamén podendo pedilo noutras datas, sempre que se chegue a un acordo coa empresa menos no Nadal, mes no que se xuntan moitas peticións de asuntos propios e libranzas. A empresa asegura que se vai facer un maior esforzo de planificación e económico a hora de cubrir as vacacións do persoal para que os servizos non queden desatendidos, nin haxa sobrecarga de traballo. Veremos se é verdade. 

SEN WIFI ABERTA 

A parte social pediulle a empresa ter unha rede wifi aberta para todo o persoal, unha petición rexeitada alegando problemas de seguridade, o custe e alegando a prohibición de usar equipos propios no centro. Dende Comisións non entendemos que na era da dixitalización, e cando todos os edificios públicos teñen redes abertas se prive aos traballadores/as dunha ferramenta de traballo e teñamos que estar a empregar os datos dos nosos dispositivos particulares para consultar información indispensable para o noso traballo. Dende a parte social pediuse un informe por escrito que ampare esta decisión. 

ABUSO DE BOLSEIROS/AS 

O Comité de San Marcos informou a empresa da situación de abuso que sofren algúns bolseiros/as por parte de xefes de servizo aos que se lles sobrecarga de traballo e están a traballar sen supervisión de persoal da empresa. Unha situación que xa foi posta en coñecemento da Comisión de Formación e que persiste. RRHH comprometeuse a erradicar os ese comportamentos que considera puntuais. 

Santiago de Compostela, 3 de marzo de 2016