venres, 13 de xullo de 2012
INFORMACIÓN SOBRE A COMISIÓN DE LISTAXES DE CONTRATACIÓN TEMPORAL.
Nunha reunión da Comisión de Xestión das Listaxes de Contratación
Temporal mantida o pasado luns día 9 de xullo, os membros da parte social
rexeitaron aprobar a proposta de regulamento sobre a contratación
temporal presentada pola empresa. Dita proposta regulaba a exclusión
temporal das listas daqueles traballadores e traballadoras que rexeitaran un
número de chamamentos determinado ou non responderan ás chamadas
realizadas pola División de Recursos Humanos.
O documento proposto pola empresa foi valorado previamente pola
parte social, quen asumiu por unanimidade o rexeitamento proposto por
CCOO, ao entender que non existe ningún control por parte da
representación legal dos traballadores e traballadoras, sobre o
procedemento a seguir nos chamamentos e as causas de rexeitamento dos
contratos, ou desatención das chamadas, que os aspirantes puideran alegar.
Isto deixaría mans libres á empresa para excluír unilateralmente a
determinadas persoas das listas e realizar así a elección do persoal
contratado de maneira selectiva.
Inexplicablemente á empresa volve á carga, convocando unha nova
reunión para o venres ás 10,00 horas, co único punto na orde do día de
valorar e acordar o devandito documento.
En CCOO mantemos o rexeitamento á proposta da empresa e así nos
manifestaremos na citada reunión, solicitándolles ás outras Seccións
Sindicais que, no caso de que estiveran en disposición de aceptala, este
regulamento fose sometido a unha asemblea de traballadores e
traballadoras para a súa aprobación.
Sección Sindical de CCOO na CRTVG - San Marcos a 11 de xullo de 2012