SEN ACREDITACIÓN DE COMPETENCIAS, SEN CONSELLO DE INFORMATIVOS, SEN INFORMACIÓN , SEN NADA

Esta mañá os membros do Comité Intercentros reuníronse co Director Económico pra desbloquear o proceso de acreditación de competencias. Alí aseguróuselle a representación sindical que despois de dous anos non había unha proposta seria por parte do departamento de persoal dun convenio, nin memoria explicativa nin previsión de gasto. O Comité xa pediu unha xuntanza de urxencia con recursos humanos para aclarar a situación despois de reiterar en numerosas ocasións que dende o departamento económico tiñan 50 mil euros bloqueados da partida de formación que se tiñan que adicar a formación dos 178 traballadores que queren optar a normalizar a súa titulación con vistas a nova clasificación profesional que tamén está bloqueada, dito sexa de paso. O atraso que leva acumulado este proceso fai que este ano moitas traballadoras/es non se matriculasen no ensino ordinario esperando esta vía extraordinaria polo que perderán un curso.

Acordouse pedir unha xuntanza co Consello de Administración para que poña en marcha o Consello de Informativos, despois de que nunha comunicación da Dirección Xeral se aclarara que é o órgano competente para iniciar os procedementos. Ademais iniciará unha xeira de xuntanzas con todos os partidos políticos para acadar con eles un compromiso por escrito para a creación do Consello e se garanta o cumprimento da Lei de Medios Audiovisuais de Galicia. Ante a ausencia deste órgano Comisións Obreiras propuxo que se pedira a Xunta Electoral un especial seguimento dos contidos políticos non espazos informativos non electorais da CRTVG, para evitar que se vulnere a lei.

Ao abeiro do artigo 64 do Estatuto dos Traballadores o Comité Intercentros vai poñer unha denuncia ante a inspección de traballo polo bloqueo sistemático de todo tipo de información á representación sindical.

Dentro desta petición de información tamén se solicitará a Dirección Xeral a entrega ao Comité do Informe de Servizo Público do 2015 que se acaba de presentar na comisión de control da Corporación CRTVG do Parlamento e do que a representación sindical tivo coñecemento pola prensa.

O Comité tamén quere desmentir que propuxera membros para o grupo de traballo da dixitalización que recentemente ven de facer público o director xeral. Aclara isto porque algúns traballadores amosaron o seu descontento polas persoas elixidas e nos departamentos correspondentes aseguraron que foran propostos polos sindicatos. Iso é rotundamente falso.

Dentro de outros temas tamén se acordou colaborar na campaña denominada Badaladas pola prevención do suicidio, do Movemento Galego de Saúde Mental, de concienciación para a creación dun Plan de Prevención do Suicidio en Galicia.

Santiago de Compostela, 1 de xuño de 2016

NON CABE RECTIFICACIÓN

O Comité da por verídico o incidente do Venres Santo

Na xuntanza do día de hoxe do Comité de San Marcos acordouse respostar a Dirección de Recursos Humanos a súa petición de rectificación polas explicacións que o se pediron polo incidente acontecido na redacción de informativos o Venres Santo, unha comunicación na que ademais se pediu a dimisión da directora de informativos.

Segue a censura na TVG

O Comité pedirá explicacións a Dirección da TVG ante a denuncia pública dun grupo musical, Ataque Escampe, ao que lle cortaron unha estrofa no medio dunha canción durante a súa emisión no programa Musigalité na que dicían “Isto é un atraco, chegarei até o final por unha vez. Adeus, cabronazos, voume a un paraíso fiscal como fan os do PP”. NO director xeral xa asegurou que foi unha decisión da produtora que fai o programa, unha decisión que dita produora asume como técnica. En opinión dos profesionais desta empresa a decisión técnica pouco se sostén cando se fai un corte no medio dunha estrofa a non ser que abedeza a razóns de supresión do contido.

Ultimato a dirección da CRTVG

Despois dunha xuntanza a semana pasada do Comité con Rosa Vilas, directora da División de Radio Televisión de Galicia na que se facilitou unha información que non é completa, xa que deu unha programación na que non se recollen programas que xa empezan a emitirse esta mesma semana acordouse dar ata este venres de prazo a empresa para que facilite toda a información a que ten dereito o comité (audiencias, programación, orzamentos, programación da radio, información sobre o departamento de novas canles,....), e que xa se pediron de xeito reiterado. Senón se facilitan acudirase a Inspección de Traballo para que inste a empresa a facelo.

Santiago de Compostela, 3 de maio de 2016

Como sabes a vindeira semana celébrase o 8 de Marzo," Día Internacional da Muller" . A Secretaría da Muller da Federación de Servizos á Cidadanía vai a realizar unha xornada en Santiago da que che envío adxunto o programa, mais o manifesto de este ano. ACHÉGATE O TEU SINDICATO COMARCAL SE DESEXAS ANóTARTE Á XORNADA. TAMÉN PODERÁS RECOLLER ALÍ O TEU PRESENTE DE ESTE ANO.

Estimada compañeira:
A crise económica e social que se lle impuxo á sociedade española ten como especiais
destinatarias as mulleres. Nos padecemos os maiores rigores da hecatombe que afundiu a
economía e arruinou a vida de millóns de persoas, estragando os nosos proxectos vitais e
afastándonos da sociedade democrática.
Aos asañamentos da crise coas mulleres, parte máis debilitada da cadea produtiva e
desfavorecidas pola distribución do traballo, sumouse a virulencia coa que o Partido
Popular impuxo as súas doutrinas conservadoras en temas como a identidade de xénero,
os dereitos das mulleres ou atacando as políticas que, con certo criterio, permitiron
avanzar nestes anos de democracia política e social.
Hoxe, cando se produce un leve rebote da economía, con melloras de curto alcance, é
imprescindible que as mulleres se incorporen aos beneficios que disto puidesen obter,
facéndose presentes na reconstrución da sociedade democrática desde a perspectiva de
xénero e con decisión, pois cómpre que este tempo, que é novo e aberto aos xogos e as
dialécticas políticas, conten coas mulleres como protagonistas do que se está construíndo
de presente e futuro.
Os dereitos sociais, identitarios e de xénero, os dereitos democráticos, pasan
ineludiblemente por recompoñer a situación económica e laboral, atendendo ás
necesidades de millóns de persoas sen ingresos, en risco grave de exclusión social.
O emprego, elemento determinante
Os contratos temporais alcanzaron en Galicia o 92,61 % do total, mentres que os
indefinidos,a tempo completo, apenas supuxeron o 4,62 %.O incesante aumento de
persoas desempregadas, das que 125.517 son mulleres, o que constitúe o 53,8 % do paro
rexistrado. A taxa de actividade das mulleres é do 48,7 % e a taxa de emprego do 39,0 %,
o que representa unha brecha aproximada en relación cos homes de 10 e 9 puntos,
respectivamente. A diferenza entre os salarios medios anuais de mulleres e homes,
segundo a última Enquisa de estrutura salarial, foi de 5.264,34 euros: o salario medio
feminino foi o 76,6 % do masculino.
Os últimos sete anos foron difíciles para toda a poboación en xeral e para as mulleres en
particular. A crise económica púxose como escusa para levar a cabo políticas moi austeras
e reducir o incompleto estado de benestar español. A redución de servizos, de prestacións
e, obviamente, de empregos públicos maioritariamente femininos foi constante. Así, a
taxa de paro feminino seguiu sendo superior á masculina, cunha taxa de actividade
menor pois, aínda que se perden emprego públicos, uns minguan máis ca outros. Os
empregos socialmente vitais en sanidade, educación, asistencia social, orientación,
coidados ás persoas dependentes, atención cidadá e de administración, postos mormente
femininos, van a menos, mentres que os relativos ao control e a seguridade, onde
predominan os homes, mantéñense.
Mulleres protagonistas dun tempo novo
Esta situación é lamentable. Porén, o positivo, e por iso falamos do tempo das mulleres, é
que para dar solucións aos problemas hai que velos e, ata o de agora, os diagnosticos que
se facían erraban porque non recollían a posición das mulleres. Agora esta situación tense
en conta e por iso se adoptan determinadas medidas para tentar erradicar a brecha
laboral de xénero, así como a brecha salarial. Estes temas, xunto co acoso sexual e por
razón de sexo, non só foron elementos centrais nos programas das eleccións sindicais,
senón tamén nalgunhas das campañas dos partidos políticos de esquerdas nas últimas
eleccións xerais.
A atención sindical específica de FSC-CCOO ás cuestións de xénero e o seu compromiso
para erradicar a discriminación laboral das mulleres tamén contribuíu a conseguir que
Comisións Obreiras sexa a primeira organización nas eleccións sindicais.
O traballo cotián obsérvase na maior participación das mulleres na organización e no
aumento do número de delegadas sindicais. Nunha federación con sectores
tradicionalmente masculinos, como por exemplo o do transporte, aumentou catro puntos
a porcentaxe de delegadas obtido nas eleccións sindicais. Se en 2011 a proporción de
delegadas no ámbito de FSC-CCOO era do 31,25 %, na actualidade é do 33,35 %. E a
pesar da mellora, a incorporación de mulleres mantense como un reto ao que esta
Federación segue facendo fronte, pois a súa presenza é vital para cambiar a sociedade e
recuperar os dereitos que as políticas conservadoras destruíron.
Exemplos de loitas das mulleres que alcanzaron o éxito foron a redución da proposta de
cambio de lei do aborto de Gallardón, que mantivo os prazos; ou a visualización que
supuxo a manifestación do 7N do rexeitamento social contra o maltrato ás mulleres.
É tempo de recuperar e reconstruír dereitos
Neste tempo de recortes de dereitos e liberdades, en que trescentos sindicalistas están
axuizados por defenderen os dereitos laborais, cómpre manter unha resposta sostida no
tempo contra as leis represivas. As respostas están sendo moitas e variadas; algunhas son
as tradicionais, pero existen expresións novas e practicamente a maioría delas están
encabezadas por xente nova e mulleres, o que osixena a sociedade e a renova.
É o tempo de reivindicar e reconstruír todo aquilo que «a crise» lles arrebatou ás
mulleres, o momento de loitar por recuperar postos de traballo seguros e con garantías, o
momento de reclamar medidas que
permitan ás nosas parellas compartir o coidado da nosa familia e de esixir a recuperación
duns servizos públicos que garantan o coidado das persoas maiores, da infancia e das
persoas dependentes. E é o momento de dicir BASTA XA DE ASASINATOS e de
reclamar as medidas necesarias para a erradicación da violencia contra as mulleres… É O
TEMPO DAS MULLERES!
FSC-CCOO reafírmase no seu compromiso activo coas loitas das mulleres, co proxecto
dunha sociedade igualitaria e, en especial, con cantas manifestacións, actos e
intervencións se produzan para garantir a presenza de mulleres na acción sindical e a
loita política, con identidade, autonomía e visibilidade. Por iso chamamos á participación
de traballadoras e traballadores nos actos e manifestacións que se celebran en cada
Unión, para facer do 8 de Marzo outro día de loita na emancipación das mulleres, no
camiño cara ao recoñecemento de dereitos e identidade.
Ramiro Otero Rodríguez. Nuria Rodríguez Lema
Secretario Xeral FSC-G -CCOO Galicia. Secretaria da Muller FSC-G-CCOO

MAÑÁ DE ACORDOS NAS XUNTANZAS DOS COMITÉS

VACACIÓNS
O Comité de San Marcos acordou pedirlle a empresa os criterios que vai seguir para que o persoal colla as súas vacacións. Despois de que varios xefes de departamentos lles comunicaran ao persoal que teñen que facer as súas peticións entre xullo e agosto rexeitando a posibilidade de facelas noutros meses, incluso, como recolle o convenio, no período de entre xuño e outubro o Comité quere que a empresa de unhas directrices claras.


PROGRAMAS DA RADIO GALEGA PREVIO PAGO
Tamén se lle vai pedir que a dirección expoña cal é o protocolo que emprega a Radio Galega cando fai programas en exteriores, do tipo da Festa do Cocido de Lalín, polos que están a facturar aos concellos tarifas que arredor dos 3 mil euros. Dentro da información solicitada está cales son os concellos nos que se fixeron os programas e as contías facturadas.


BOLSEIROS/AS PRECARIOS/AS
O Comité tamén se interesa pola situación dos bolseiros que nalgúns casos están a ser o branco de sobrecarga de traballo por parte de xefes directos, sen motorización de persoal da empresa, chegando a facer horas a maiores das asignadas. Dende Comisións entendemos que isto favorece a precariedade coa que están a traballar estes compañeiros/as cos que en ocasións se está a facer substitucións encubertas. Esta situación xa se puxo en coñecemento da empresa que advertiu aos responsables destes bolseiros que desistiron da súa actitude uns días para volver a sobrecargar aos bolseiros/as. O Comité denunciará esta situación a dirección de Recursos Humanos.


¿CAMBIOS NAS DIRECCIÓNS DA CRTVG?
O Comité Intercentros acordou pedirlle información a empresa que cal vai ser o impacto na contratación da posta en marcha da corporación no organigrama da dirección. Dentro da política da empresa de reducir xefaturas pódense ver afectadas as interinidades de traballadores/as que están a cubrir as vacantes de persoal asignado a alta dirección.

IRREGULARIDADES COAS NÓMINAS
Tamén lle vai pedir a empresa que informe sobre as irregularidades no pagamento de salarios que afectou a persoal, aos que se lles ingresou cartos de máis e agora se lles está reclamando que o devolvan de diversos xeitos e individualmente. O Comité solicitará datos de cantos afectados hai e ver se hai posibilidade de que se aborde de xeito conxunto. Outra petición que se lle fará é que nas nóminas se inclúa a antigüidade dato que foi suprimido de xeito unilateral pola empresa.




                                                                                             Santiago de Compostela, 1 de marzo de 2016

ACORDO PARA A ROTACIÓN NA COMISIÓN DE XESTION DO COMITÉ DE SAN MARCOS E INTERCENTROS

Por 14 votos a favor e 5 en contra aprobáronse as quendas da Comisión de Xestión correspondendo a Presidencia en funcións para Carlos Juanatey de CCOO e a Secretaría para Manuel Cereijo de USO.

O único sindicato que votou en contra foi a CUT que entenden que é un xeito de perpetuar unha xestión que se vai facer crónica en lugar de elixir os cargos que están vacantes dende xuño.

Para Comisións este é un acordo para xestionar o día a día xa que o reparto de traballo o facía sempre a mesma persoa. Isto non quere dicir que non se vaian a propoñer candidaturas se se chegara a un acordo suficiente.

Tamén se acordou pedir o novo organigrama da empresa despois de que creara a corporación.

Acordouse solicitouse unha xuntanza urxente coa Dirección de Recursos Humanos e coa Dirección de TVG para tratar as vacantes que non están a ser cubertas dende as listaxes de contratación.

Tamén se acordou con 8 votos a favor e 3 en contra aprobouse que asuman as tarefas da Presidencia a Santiago Alvite e da Secretaría a Raimundo Méndez no 2016 invertíndose as funcións no 2017.

Santiago de Compostela, 12 de xaneiro de 2016

O INTERCENTROS ACORDA PEDIR UNHA XUNTANZA COA EMPRESA PARA QUE EXPLIQUE COMO SE PAGA A COMPRA DE ANTIGÜIDADE

Na xuntanza do día de hoxe do Comité Intercentros acordouse pedir unha reunión coa empresa para que cambie o criterio que ten a hora de pagar as nóminas. Ata o de agora a nóminas pagábanse en base a 30 días e agora a empresa mudou o criterio de xeito unilateral e está a pagar dependendo dos días que ten o mes. Ademais detectáronse diferenzas no pago da compra de antigüidade aos traballadores que non teñen o máximo. Na mesma xuntanza vaiselle pedir a empresa que explique cal é o sistema que emprega para calcular o pago do complemento de capacitación e permanencia laboral consolidado.

Santiago de Compostela, 17 de decembro de 2015

ACORDADO O REXEITAMENTO DA LEI DE ACOMPAÑAMENTO QUE MANTÉN AO DIRECTOR XERAL

Na xuntanza do día de hoxe do Comité Intercentros acordouse face un comunicado público de rexeitamento a aprobación do día 22 por disposición na Lei de Acompañamento dos Orzamentos na que mantén o Director Xeral da RTVG se non hai acordo no Parlamento o que na práctica supón unha continuidade no cargo do actual director afín ao goberno do PP. Tamén se están a valorar medidas de desaprobación para levar adiante nas vindeiras semanas.

Tamén se tratou as irregularidades nas nóminas que a instancias da CUT se están a producir, como diferencias na chamada “compra de antigüidade” e o prorrateo da terceira paga. Quedou pendente da valoración das asesorías xurídicas.

As seccións sindicais están a estudar a supresión por parte da empresa das axudas para estudos aos fillos dos traballadores falecidos, un seguro que está vinculado aos recortes da Xunta en materia de gasto social.

Santiago de Compostela, 10 de decembro de 2015

RECUPERAMOS ASUNTOS PROPIOS E VACACIÓNS POR ANTIGÜIDADE

Nunha xuntanza de hoxe da empresa coas seccións sindicais informou que vai aplicar a devolución de asuntos propios e vacacións por antigüidade que recurtaron coa crise. Hai dúas excepcións: o desfrute amplíase ata o 31 de maio de 2016 e como norma xeral farase a partir do 7 de xaneiro, unha vez pasadas as datas de Nadal.

A proposta da empresa de pedir flexibilidade nos prazos de desfrute aceptouse unanimemente pola parte social.

Externalización

Na xuntanza do Comité de San Marcos de hoxe abordouse a externalización de varios programas dos servizos informativos. As distintas seccións consultarán aos gabinetes xurídicos para ver a vía para frear a sangría de persoal que supón a contratación, sobre todo, dos programas da tarde.

CCOO pide o TX 3 en directo

Tamén se acordou instar a empresa a que dote aos distintos informativos do persoal necesario. En concreto a presenza de rexedor e do decorador no TX3 e rexedor no América, e a proposta de CCOO pedir que o “peche” se faga en directo.

Dentro doutro orden de cousas tamén se celebrou unha xuntanza extraordinaria do Comité de San Marcos para aprobar o regulamento interno. Unha aprobación que quedou adiada despois de que CIG e UXT pedira que se retirara, do documento xa pactado, as gravacións das xuntanzas polos problemas xurídicos de vulneración de dereitos que poden ter, pero que se fagan sen regulación.

CCOO entende que esta é unha estratexia para dilatar e non aprobar unha proposta que vai en contra da transparencia do funcionamento do Comité e amosa, unha vez máis, o emprego desleal do funcionamento da Comité que teñen algúns sindicatos.

Comisións defende que é imprescindible un regulamento para evitar problemas na xestión de ditas gravacións.

USO sempre se negou a que se graven e que os traballadores/as poidan ter acceso aos plenos alegando problemas de vulneración de dereitos a terceiros (lei de protección de datos, etc...), que en opinión de CCOO non existen.

Finalmente a xuntanza rematou sen acordo e aprazouse para o mércores que ven.

Santiago de Compostela, 1 dedecembro 2015

CCOO irá ao conflito colectivo se a CRTVG no aplica o Real Decreto Lei 10/2015

Quedou en nada a xuntanza do día de hoxe do Comité Intercentros na que se ía tratar a aplicación da transposición do Real Decreto Lei 10/2015 de permisos por asuntos particulares e vacacións por antigüidade.

A empresa pediu un informe a Función Pública para ver cal é a posición na que está a CRTVG, polo que dixo non estaba en disposición de dar unha postura, asegurando que é custión de días. Uns días que comezaron a contar o 17 de outubro que se sentou por primeira vez cos sindicatos a falar deste asunto.

En opinión de CCOO esta é unha manobra máis para ir adiando a aplicación directa do dereitos de tódalas traballadoras/es, que vai camiño de acabar pola vía do conflito colectivo se non se resolve antes de que acabe novembro.

Equipo de eleccións

Comisións tamén lle preguntou a RRHH, cales son os criterios que se sigue na escolma dos equipos de eleccións, solicitoulle un informe no que se recolla unha relación dos participantes dos últimos anos e se preguntou como van substituír a estas persoas. Non é de recibo que ano tras ano vexamos sacando proveito practicamente as mesmas persoas e que ao mesmo tempo non se bote man das listaxes de contratación e que os ocos destes traballadores acaben cubríndose con horas extraordinarias que se lle ofrecen a uns poucos.

Externalizando retransmisións

CCOO tamén pediu información sobre a contratación de Tele Salnés para as retransmisións de partidos de Terceira División. Ao parecer encargarase delas despois de que a produtora Setemedia rematase o contrato. Desta nova actividade non se informou nada, o que ven a ser outra manobra opaca máis as que xa nos ten afeitos a Dirección da CRTVG, e Comisións non a vai deixar pasar sen que se clarexe.

Boicot aos sindicatos

CCOO advertiu a Dirección de RRHH que porá unha denuncia na Inspección de Traballo por obstaculizar o labor sindical se segue sen recibir os partes de incidencias que levan un atraso de catro meses, despois de pedilos case semanalmente.

Dentro de outro orde de cousas outros sindicatos pedíronlle a RRHH que diga cal é a súa posición de cara a poder xuntar os días de libranzas que se teñan pegados as vacacións, un criterio que se viña aplicando ultimamente.

Tamén se lle pediu a empresa que clarexe en que capítulo vai ingresar os cartos que a produtora El Progreso ten que pagarlle por cederlle traballadores ilegalmente a CRTVG e beneficiarse de cartos públicos.

A EMPRESA SEGUE RETRASANDO A RECUPERACIÓN DE DEREITOS

Na xuntanza do día de hoxe do Comité Intercentros co director de Recursos Humanos veu a retrasar a aplicación da transposición do Real Decreto Lei 10/2015 de permisos por asuntos particulares e vacacións por antigüidade. A empresa veu a pedir unha posición aos sindicatos mentres que dende RRHH non houbo unha proposta concreta, e esta xa é a segunda xuntanza para tratar este tema. Dende Recursos Humanos queren negociar e chegar a un acordo nos asuntos particulares pero non en vacións por antigüidade pero non explican en qué consiste ese acordo. Dende CCOO entendemos que o decreto é de aplicación inmediata aos traballadores e traballadoras de toda a Compañía sen excepción e que non é negociable en ningún punto.

A Empresa propón solicitar unha mediación para a constitución do Comité de Seguridade e Saúde Laboral

Despois dos desencontros na creación da comisión RRHH propuxo unha mediación do Consello de Relacións Laborais para desbloquear a falla deste Comité. Unha mediación que CCOO acepta, pero que ten a oposición doutros sindicatos, que insiten en acudir ao xulgado para solucionar cal debe ser a composición de dito Comité. En opinión de Comisións a postura da parte social ten que ser unánime á hora de aceptar a mediación porque perdería a súa efectividade, non serviría para ninguén se hai unha parte que se nega a asumir a decisión da mediación.

Santiago de Compostela, 17 de novembro de 2015

APROBADA A PROPOSTA DE COMISIÓNS DE GRAVAR AS XUNTANZAS DO COMITÉ DE SAN MARCOS

O pleno do Comité acordou aprobar a proposta de CCOO de gravar as xuntanzas do comité co fin de que calquera traballador as poida consultar e que deste xeito a transparencia sexa máxima.

Foron 13 os votos a favor, de CCOO, CIG e CUT, dúas abstencións da UXT e 4 votos en contra de USO.

Externalización dos servizos informativos ao xulgado

Despois da consulta aos servizos xurídicos por parte das diferentes seccións sindicais do incumprimento de Lei de Medios pola cesión de parte de programas informativos a empresas alleas, en concreto o programa Boas Tardes, a cesión do servizo de directos e os contratos mercantís que se están a facer na redacción, acordouse por unanimidade acudir aos tribunais como última medida para evitar que a dirección da RTVG siga facer un uso que consideramos desleal da contratación de medios privados. Aínda están por decidir aspectos importantes, cómo cal vai ser a vía da denuncia. A CUT solicitou unha semana para estudar a posibilidade de explorar outra vía para denunciar o incumprimento.

Santiago de Compostela 3 de novembro 2015

ACORDO COA EMPRESA NA COMPENSACIÓN DE FESTIVOS

A sección sindical pide unha xuntanza da Área Pública

Na xuntanza do día de hoxe do Comité Intercentros acordouse coa empresa que os festivos traballados polos traballadores/as dende o 1 de setembro ata o 31 de decembro serán desfrutados do seguinte xeito por todos independentemente dos días que xa traballaran:

• Os dous primeiros festivos teráse a opción de cobralos íntegramente ou cobrar un día e librar outro.

• Os seguintes póndese cobrar integramente, cobrar un día e librar outro ou pedir dous días libres de compensación.

Pola parte social pedíuse a empresa que se pronunciara sobre a devolución de días de asuntos propios, asuntos propios por antigüidade e días de vacacións por antigüidade. Dende CCOO entendemos que a de aplicación da devolución é de recibo cando por lei se nos recurtaron. En virtude do acordo firmado por Xunta e sindicatos de trasposición do Real Decreto 10/2015 a empresa debe restituir eses días aos traballadores/as, uns días que dende RRHH só lles recoñecen aos integrantes da Compañía e non a TVG. Comisiós entende que para evitar discriminar a traballadores/as que están baixo un mesmo convenio colectivo debe ser de aplicación xeral a todos. A dirección de RRHH dixo que ía a estudar os tres casos por entedenlos distintos.

PETICIÓN DE CONVOCATORIA DA MESA XERAL DA FUNCIÓN PÚBLICA

A sección sindical de CCOO se dirixiu aso sindicato para que inste a convocatoria da Mesa da Xeral da Función Pública para que se inclua no acordo explícitamente a socidade mercantil Televisión de Galicia.

Tamén se abordou a xa vello tema do proceso de dixitalización do que a empresa quedou de ofrecer información no marco da xuntaza de clasificación profesional que se celebrará a máis tardar en dúas semanas.  

FESTIVOS PENDENTES, RECUPERACIÓN DE DEREITOS E DIXITALIZACIÓN TEMAS URXENTES A DEBATER COA EMPRESA

Na xuntanza do día de hoxe do Comité Intercentros acordouse pedir unha reunión urxente coa empresa para que aclare cal será o criterio a aplicar para a compensación de festivos, xa que ata o momento non se pronunciou, aínda que xa houbo indicacións diferentes a algúns traballadores de como llos ían a compensar. Tamén se lle pide que comunique a decisión en canto a devolver os días de vacacións por antigüidade recurtados por decreto. Así mesmo se lle pedirá o proxecto de dixitalización que xa está recollido nos orzamentos previstos para o 2017.

Lactación e asuntos propios a paritaria.

Ante a solicitude de información por parte de varias traballadoras dos dereitos do permiso de lactación acordouse pedir unha convocatoria da Comisión Paritaria para aclarar como se desfrutan as hora de lactación acumuladas que se piden con cargo ao crédito horario, xa que hai sospeitas de que a empresa está a facer unha interpretación restritiva deste dereito. Tamén a recuperación dos días de asuntos propios ten que ver coa interprestación da aplicación do convenio que se debaterá nesa xuntanza.

Sen Comité de Seguridade e Saúde Laboral

Despois dos desencontros na creación da comisión debateuse sobre a composición de dito órgano. A postura de CCOO é clara: 8 membros, 4 de San Marcos e 4 das delegacións. USO, CIG e UXT entende que debe ser proporcional aos votos resultantes das elección sindicais, polo que UXT gañaría un representante que non ten e a CIG pasaría a ter dous. A CUT mantén unha postura igual a Comisións, que entende que é a interpretación que dende a nosa sección sindical lle parece correcta. CCOO mantén esta postura sen prexuízo de que se poida chegar a un acordo maioritario. Dende Comisión lamentamos a falla de acordo na creación deste comité que é fundamental para tratar aspectos fundamentais do traballo diario.

Director Xeral perenne

Outro dos puntos acordados foi o rexeitamento da modificación da Lei de Medios 9/20011 por disposición na Lei de Acompañamento dos Orzamentos na que mantén o Director Xeral da RTVG se non hai acordo no Parlamento o que na práctica supón unha pervivencia no cargo do actual director afín ao goberno do PP. Ante esta situación vaise a facer un comunicado oficial e estúdase a data para a convocatoria dunha mobilización. 

A EMPRESA NON QUERE DEVOLVER OS DÍAS DE ASUNTOS PROPIO E DE VACACIÓNS POR ANTIGÜEDADE

Na xuntanza do Comité de San Marcos a dirección de Recursos Humanos en canto a aplicación do acordo ao que chegaron os sindicatos coa Xunta para a recuperación dos días por asuntos propios e de vacacións por antigüedade a empresa di que non é de aplicación a RTVG. Neste caso CCOO pensa que se debe cumprir inmediatamente como se fixeron por decreto os recurtes que nos aplicaron no pasado.

No tocante aos criterios que RRHH vai aplicar cos festivos despois da entrada en vigor o novo Convenio a empresa dí que aínda non ten tomada unha decisión.

Da parte proporcional da paga extra do 2012 está previsto devolvela na nómina que ven ou na de novembro.

En canto a petición de Comisións de que os programas de producción propia da TVG incorporen os títulos de crédito, RRHH afirmou que é unha decisión da Dirección por enternder que é unha tendencia no resto das televisións xeneralistas, argumento que CCOO non comparte en absoluto.

Tamén se lle notificou a RRHH a situación de numerosos traballadores/as que están a facer horas extras encubertas sustituíndo a outros/as compañeiros afectando as contratacións e aos listaxes. A empresa comprometeuse a estudar os casos.

En canto a situación dos colaboradores de deportes na Radio Galega a empresa asegura que é completamente normal, extremo que CCOO non comparte por entender que están a traballar nunha situación de cesión ilegal, xa que é un traballo contínuo e empregan medios da RG.

Entre outros temas RRHH asegurou que aos traballadores/as con contratos en prácticas lles pagaron de máis e que aplicarán unha devolución do 30% no tramo do pagamento que non é salario base, sen perxuízo de que se poida negociar en cada caso concreto.

Santiago de Compostela, 21 de outubro de 2015

APRAZADA A PROPOSTA DE COMISIÓNS DE GRABAR AS XUNTANZAS DO COMITÉ DE SAN MARCOS

O pleno do Comité acordou aprazar a proposta de CCOO de gravar as xuntanzas do comité co fin de que calquera traballador as poida consultar e que deste xeito a transparencia sexa máxima. A petición de varios membros nunha próxima xuntanza Comisións proporá un regulamento que estableza un protocolo para gravar e custodiar as copias de cada xuntanza. Dende Comisións entendemos que esto non é máis que aprazar unha decisión a falla tomar unha postura clara a prol ou en contra desta proposta que xera moitas incomodidades no seo do Comité.

Tamén se acordou pedir unha reunión urxente con Recursos Humanos para tratar varios temas, entre eles os propostos por CCOO como son a inclusión de títulos de crédito nos programas de producción propia, tamén os informativos, xa que ata o de agora os únicos que reflicten os membros da dirección e compoñentes de equipo son os de producción externa ademáis de tratar as irregularidades cometidas nas nóminas dos traballadores/as con contratos en prácticas aos que a empresa lles reclama varios miles de euros despois de estarlles pagando de máis durante todo o ano ao non lles aplicar as reduccións nos salarios que lles correspondían.

Nesa xuntanza tamén se tratará o incremento de horas extras para cubrir vacantes o que limita a contratación de persoal que está nas listaxes de substitución e que a empresa lle aporte ao Comité información requerida hai meses a Dirección da RTVG sobre a situación dos colaboradores da Radio que se viron obrigados a facer os seus programas de xeito externo, a situación dos locutores de deportes que empregan medios da Radio pública e a función que están asumindo algún locutores como editores de informativos en TVG.

Asimesmo acordouse a creación dunha comisión para o seguemento da producción propia co fin de obter información sobre a portentaxe de contidos que se fan na RTVG e a consulta aos servizos xurídicos por parte das diferentes seccións sindicais do incumprimento de Lei de Medios pola cesión de parte de programas informativos a empresas alleas, en concreto o programa Boas Tardes, O que pasa aquí e tamén cesión do servizo de directos.

AS NÓMINAS E A APLICACIÓN DO NOVO CONVENIO

Na reunión mantida hoxe coa empresa, informounos sobre os seguintes puntos:

1.- Con respecto á aplicación do Convenio Colectivo no apartado retributivo dixo que, na nómina de setembro cobrariamos os atrasos correspondentes ao complemento de convenio (terceira paga prorrateada) e a compra da antigüidade (para quen non a tiña topeada), ata o 31 de agosto de 2015, así como a parte correspondente a setembro. A partires de outubro xa se cobrarían os conceptos estipulados no novo convenio colectivo.

2.- Con respecto á publicación do Convenio Colectivo en papel, a empresa informa que van tirar algúns exemplares para RR.HH. e os sindicatos, e que se facilitarán a quen non teña un acceso cómodo á Intranet da empresa, pero non para o conxunto dos traballadores e traballadoras. A parte social insistiu en que había que repartir exemplares a todos e todas.

3.- Con respecto aos asuntos propios, a parte social solicitou que se aplicaran os 6 que xa figuran no EBEP e que si era necesario se tivese unha Paritaria para aplicalo.

San Marcos a 30 de setembro de 2015

IRREGULARIDADES NAS BASES DE COTIZACIÓN DOS TRABALLADORES DA CRTVG

Nota informativa das Sección Sindicais de CIG, CCOO, UXT e USO. En relación coas irregularidades detectadas nas bases de cotización de traballadores e traballadoras da CRTVG, os sindicatos asinantes desta nota queremos aclarar o seguinte:

1º Hoxe, día 17 de setembro, tiñamos previsto celebrar unha xuntanza do Comité Intercentros na que iamos tratar este asunto, a instancias da CIG, para acordar unha vía de actuación que non cause prexuízos ao conxunto do persoal.

2º Ante a denuncia presentada unilateralmente pola CUT na Inspección de Traballo, os sindicatos que ficamos á marxe mantivemos unha xuntanza na que abordamos a posición das distintas asesorías xurídicas sobre aplicación por parte da CRTVG do Real Decreto-Lei 8/2010 e a Lei 39/2010, en relacións ás bases de cotización da Seguridade Social.

3º A opinión das nosas asesorías era recorrer á vía da presentación de conflito colectivo para interpretar a normativa a aplicar nestes conceptos. Esta vía dirimiría as diferenzas de criterio que puidésemos ter, sen que se puxera en cuestión a inclusión nas bases de cotización do mes de maio de 2010 de conceptos retributivos que coa denuncia poderían quedar excluídos e que repercutirían na rebaixa das bases de cotización. Aclarados os termos, esixiríamos á empresa a execución inmediata da sentenza ditada.

4º Lamentamos que a CUT, unha vez máis, se desmarque dunha actuación conxunta da parte social e aborde a cuestión en solitario. En todo caso agora toca agardar ao que determine a Inspección de Traballo, e en función diso decidiremos os pasos a seguir.

En San Marcos, a 17 de setembro de 2015