INFORMACIÓN NEGOCIACIÓN COLECTIVA 13-MARZO-2013

Na última reunión da mesa negociadora do convenio colectivo, a empresa entregou unha relación do persoal con praza fixa, das vacantes existentes e do persoal con contratos de longa duración a 31 de decembro de 2013. Total de prazas de catalogo: 769 (710 ocupadas e 59 vacantes) Por empresas: CRTVG 84 (77 ocupadas e 7 vacantes) RTG 133 (125 ocupadas e 8 vacantes) TVG 552 (508 ocupadas e 44 vacantes) Total persoal contratado de longa duración: 272 Por empresas: CRTVG 12 RTG 41 TVG 219 A empresa non realizou unha proposta concreta de estabilización do emprego temporal, pero instou á parte social a chegar a un acordo que permita, en catro ou cinco anos, "converxer" os contratos de longa duración e os fixos, sen que isto incremente o catalogo de persoal aprobado neste momento, e dicir, a base de ir ocupando as vacantes existentes e as xeradas nese período, que calculou nunhas 120 procedentes de xubilacións. O certo é que esta proposta tería que ser aprobada pola Xunta de Galicia, posto que nas instrucións recollidas na lei de orzamentos, obrígase á administración e ás sociedades públicas a amortizar, no prazo de tres meses, as vacantes existentes no momento da súa aprobación. Nesa xuntanza, CCOO instou á empresa a entregar xa a masa salarial (que xa entregou esta semana) e a empresa comprometeuse a entregar na reunión seguinte toda a información obxecto de estudio, e pactar, a instancias da parte social, unha periodicidade maior de reunións, así como separar das xuntanzas xerais, as destinadas a pactar unha nova clasificación profesional. Tamén se comprometeu, e tamén a instancias da parte social, a entregar datos sobre os gastos realizados en produtoras. Con respecto a solicitude de pacto de ultractividade do convenio colectivo ata que se asine un novo, debido ao retraso ao que se está a someter a negociación por parte da empresa, esta nega que se estea a producir tal retraso, e so se comprometeu a que, si chegado ao final de ano so quedasen por perfilar algúns puntos, non habería problema en prorrogar o convenio nun mes máis. No apartado de xubilación parcial, a parte social propuxo á empresa asinar un acordo antes do 1 de abril, data na que se preve unha modificación da actual lei, de forma que se permita aos traballadores e traballadoras acollerse á lexislación anterior, que se preve máis beneficiosa. Neste punto CCOO propuxo que este acordo deixase a posibilidade de que o persoal que se acolla a esta modalidade de xubilación, poda pactar coa empresa agrupar o período que lle corresponda traballar ao inicio da mesma.

Actualización de información sobre a Negociación Colectiva

Nas asembleas celebradas para informar da Negociación Colectiva (N.C.), os traballadores e traballadoras decidiron, por una importante maioría, que o Comité Interempresas (C.I.) realizara as actuacións necesarias para obrigar á empresa a sentarse na mesa negociadora co Comité e non cos sindicatos. Asumido este mandato por todos os sindicatos presentes no C.I., solicitouse da empresa que asumira a decisión maioritaria, cousa que rexeitou alegando que a mesa xa estaba constituída por quen eles entendían que estaban lexitimados para negociar e ante a posición de tres forzas sindicais (CIG, USO e UXT) que, pese a asumir o mandato das asembleas, compartían que a lexitimidade para a negociación estaba nos sindicatos e non no C.I. Con esta posición, que debilitaba notablemente a pretensión do Interempresas, este acordou, por 6 votos a favor (CUT-4, CCOO-1 e UXT-1) e 5 abstencións (CIG-3, UXT-1 e USO-1), solicitar unha arbitraxe ao Consello Galego de Relacións Laborais para que dirimise as diferencias sobre a lexitimidade na N.C.. Esta arbitraxe foi rexeitada pola dirección da empresa aludindo a que a mesa negociadora estaba constituída, como constaba nun acta da mesma que previamente asinaran os representantes dos tres sindicatos mencionados anteriormente, mesmo sen que a empresa atendera as correccións plantexadas polas outras dúas forzas presentes na mesa (CUT e CCOO) e sen convocar unha xuntanza para poder discutir estas correccións de xeito conxunto. Ante a negativa da empresa á arbitraxe, tan so lle quedaba ao C.I. a reclamación pola vía xudicial, o que se plantexou, para a súa aprobación polo pleno, nunha reunión extraordinaria do Interempresas. Nesa reunión a posición de CCOO foi favorable ao recurso, por entender que o mandato das asembleas era facer o necesario para que o C.I. negociara o Convenio Colectivo (C.C.), pero aclarou que só cabería o recurso si o 80% dos membros do Comité aceptaba que fose este quen negociase (artigo 119.4.5.1 do C.C.), pois é o requisito inicial necesario para lexitimar ao Comité para a negociación. Nesa votación rexeitouse maioritariamente este recurso co resultado de 6 votos a favor de CUT (4), CCOO (1) e ARG (1) e 7 votos en contra de CIG (3), UXT (2) e USO (2). Os que votaron en contra alegaron que podería ser interpretado pola empresa como actuación de mala fe na N.C. e podería dar por rota a mesa negociadora ata que se resolvera a reclamación. Isto último quedaba blindado, ao noso entender, coa corrección da acta que propuxera a CUT na que constaba que, sobre a pregunta do asesor desa organización sindical de “que faría a empresa ante unha impugnación da constitución da mesa”, a empresa respondía na acta que seguiría coa negociación en tanto non tivera unha resolución xudicial. Esta acta corrixida, que botaba por terra a argumentación dos tres sindicatos que votaran en contra do recurso, foi rexeitada por estes para a súa sinatura, polo que a empresa engadiu na mesma que no momento da impugnación tomaría as decisións que a asesoría xurídica lle recomendase (que, aínda sendo máis fiel á resposta da empresa na reunión, empeoraba notablemente a pretensión do interempresas) e, nunha xuntanza posterior aclarou que si algún dos presentes na mesa negociadora presentaba ese recurso, rompería a mesma, cuestión que encaixaba perfectamente cos argumentos expresados polos sindicatos mencionados. Así as cousas CCOO entende inviable a posibilidade de recurso, polo que loitaremos por defender os intereses dos traballadores e traballadoras na N.C. desde unha posición firme como sindicato. Aproveitamos para solicitar que, se tedes algunha suxestión de cara á negociación do convenio, nola fagades chegar.

O Comité Interempresas da CRTVG desminte que o 50% do orzamento da Compañía corresponda a gastos de persoal

A representación sindical insta ao Director Xeral a aclarar que porcentaxe dos presupostos se destina aos salarios do Consello de Administración e da estrutura directiva

San-Marcos, 18-01-2013 – O Comité Interempresas da CRTVG, TVG e RTG desminte as cifras aportadas onte polo director xeral da Compañía, Alfonso Sánchez Izquierdo, durante a súa comparecencia parlamentaria na Comisión de Control da CRTVG. O máximo responsable dos medios públicos audiovisuais de Galicia asegurou que preto dun 50% dos orzamentos da Empresa estaban destinados a gastos de persoal, unha porcentaxe que cualificou como insostible. Os representantes dos traballadores e as traballadoras afirman, pola súa banda, que segundo os datos que lles facilita regularmente a mesma CRTVG, o persoal laboral suxeito a convenio colectivo, fixo, indefinido, e temporal, representa un gasto anual de arredor dun 20% do total dos orzamentos, é dicir, unha cantidade próxima aos 25 millóns de euros, sumadas xa as aportacións empresariais á Seguridade Social. Nestas cifras non estarían incluídos os salarios dos membros do Consello de Administración nin da estrutura directiva, que a representación dos traballadores e traballadoras descoñece. Segundo datos do proxecto de orzamentos da Xunta de Galicia para o ano 2013, o Capítulo I da CRTVG absorve o 35'67% do seu presuposto da CRTVG; porcentaxe na que sí están incluidos os salarios dos membros do Consello de Administración e da estrutura directiva da CRTVG e as súas sociedades. O Comité Interempresas insta a Sánchez Izquierdo a aclarar as cifras que declarou onte en comisión parlamentaria e úrxelle a que desglose dun xeito transparente eses datos para que se saiba concretamente a que se destina o 30% do capítulo de gasto de persoal que non se emprega no pago dos salarios dos traballadores e traballadoras (ou sexa, a diferencia entre as súas estimacións e os datos que manexa a parte social). Ademais de desmentir as cifras aportadas na Comisión de Control parlamentaria, o Comité Interempresas lamenta que o director xeral da Compañía utilice o custo dos profesionais dos medios públicos para cuestionar un servizo público esencial, en contradición cos seus habituais informes que evidencian unha radio e unha televisión saneadas e demandadas pola sociedade galega.

A FOLGA XERAL UN ÉXITO TAMÉN NA CRTVG

A Sección Sindical de CCOO quere agradecer aos compañeiros e compañeiras a súa participación na xornada de Folga do 14N e nas numerosas manifestacións que transcorreron polas cidades do país. O éxito desta folga foi unha labor de todas e todos, das persoas que exerceron o seu dereito constitucional e daquelas que, non podendo exercelo polo desempeño dos servizos mínimos, se limitaron estritamente ao seu cumprimento, non permitindo o desenvolvemento da programación fora do pactado coa representación sindical. Agardamos que este éxito de convocatoria nos dea ánimos a todos e todas para continuar a recuperar e defender os nosos dereitos nas mobilizacións que nos agardan. A loita non remata nunha xornada de folga, queda un duro camiño por percorrer no ámbito dos dereitos colectivos dos traballadores e traballadoras, e no concreto da nosa empresa, a CRTVG (Corporación, Convenio Colectivo...). Se continuamos ese camiño coa unidade reflectida nesta xornada de Folga Xeral, será máis doado alcanzar os nosos obxectivos. MOITAS GRAZAS, MOITO ÁNIMO E ADIANTE Sección Sindical de CCOO na CRTVG

"A folga é necesaria e útil fronte a unha crise que se converteu nunha estafa aos cidadáns e cidadás"

O secretario xeral de CCOO, Ignacio Fernández Toxo, realizou un chamamento a secundar a folga xeral que "ten que ser unha mobilización laboral, que o será, e tamén cidadá", animando neste sentido aos que non poden facela, como os parados e pensionistas, a saír á rúa a manifestarse e dicir ¡Ata aquí chegamos!. Sucedeu no acto celebrado esta mañá no Ateneo de Madrid no que músicos, actores, escritores e profesores, entre outros traballadores da cultura, apoiaron a folga xeral do 14N. Toxo intervén no acto de xente da cultura en apoio á folga xeral "Merece a pena loitar o 14N", resumiu Toxo a necesidade e utilidade de facer a folga xeral convocada para o vindeiro mércores. Porque a folga é a resposta ao despropósito dunhas políticas que queren acabar co modelo social -"están demolendo o Estado de Benestar que construímos nos últimos 35 anos" coa intención de facer retroceder a España a "épocas pasadas", afirmou -, e é que, segundo denunciou, "a crise converteuse nunha gran estafa á inmensa maioría da cidadanía". Así, recordando ao Premio Nobel de Economía Stiglitz sinalou que "o 1% posúe o que o 99% carece, unha diferenza que coa escusa da crise agravouse". Toxo tamén sostivo que a do 14N "é unha folga distinta, porque é europea". Na súa opinión, a loita ten que ser "a nivel europeo ou non terá éxito, a loita nacional está perdida", aseverou. Nesta liña, considerou un "fito histórico" que o día 14 de novembro os traballadores alemáns maniféstense ao mesmo tempo que os traballadores españois, portugueses italianos e gregos estean de folga". A intervención serviulle tamén ao secretario xeral de CCOO para reclamar a convocatoria dun referendo para que a cidadanía poida falar ante o falseamiento dos resultados electoras como consecuencia que o partido no poder presentásese cun programa e estea gobernando con outro ben distinto. "O 14 nas rúas coas manifestacións, e nos centros de traballo, folga", animou o secretario xeral de CCOO, tras as intervencións de Vicente Gisbert, Xullo Salazar e de Cándido Méndez, secretarios xerais da Federación de Artistas do Estado Español, USO, e UXT, respectivamente. "Activistas da cultura e a universidade apoian a folga" O acto celebrado na sede do Ateneo de Madrid, que foi conducido pola escritora Marta Sanz e o músico Carlos Pardo, contou coa intervención de escritores, actores, músicos e profesores de Universidade, uns de xeito presencial, como o cantante Miguel Ríos, quen pechou o acto cunha interpretación dunha canción a capella, o tamén músico J. Pardo, os catedráticos Begoña Marrugán, Juan José Castelo, Santos Ruesga, Antonio García Santesmases e Juan José Tamayo, o arquitecto Eduardo Mangada, os actores Nicolás Donas, Alicerce Bardem e Amparo Climent, e os escritores Juan José Millás, Manuel Rico e Luís García Monteo, mentres que outros - Juan Diego, Juán Diego Botto, Pedro Almodóvar, Tristán Ulloa, Benjamín Prado, Almudena Grandes, Tina Sáinz, Alberto San Juan, José Sancristán e Joaquín Sabina -mostraron o seu apoio á folga xeral mediante un vídeo. Nas intervencións repetiuse como denominador común a defensa da folga como unha necesidade e a súa utilidade. Así, para o escritor Juán José Millás "nunca estivo tan xustificada unha folga", aínda que resaltou as dificultades de levala a cabo porque "a reforma laboral é un auténtico piquete antihuelga". Ironizou tamén coa petición formulada pola ministra Báñez aos empresarios de que "apliquen a reforma laboral con sensibilidade, que é tanto como pedir ao verdugo que aplique o garrote vil con sensibilidade". "Estamos nunha ditadura porque os poderes de facto din ao Goberno o que ten que facer. Os que mandan, os poderes financeiros e os consellos de administración, non levan uniforme e botas militares, pero é unha ditadura", sentenciou. Pola súa banda, Miguel Ríos afirmou que "estamos aquí porque a dignidade empúxanos a estar aquí" e animou aos músicos a participar na folga rompendo coa errónea idea de "non fago nada porque non se pode facer nada". Un apoio que Alicerce Bardem xustificou porque é "necesaria polo futuro non xa dos fillos, se non dos netos" fronte a un Goberno que "ha desafiuzado a educación, a sanidade, a dependencia, ... que ha desafiuzado o país". Na mesma liña expresar Juan José Castelo, catedrático de Sociología, quen subliñou que reformas que está levando a cabo o Goberno "non son reformas, son demolicións" do Estado de Benestar ante as que, segundo reclamaron todos e todas as intervinientes, hai que participar activamente na Folga Xeral do 14N.

Petición de firmas para que se retiren os expedientes abertos a traballadores e traballadoras da Radiotelevisión Valenciana (RTVV)

Ola, no enlace que atoparedes neste correo podedes firmar a petición para que se retiren os expedientes abertos a traballadores e traballadoras da Radiotelevisión Valenciana (RTVV). O obxectivo é lograr 500 firmas e necesitan todo o noso apoio. Podedes obter máis información no enlace da petición. https://www.change.org/es/peticiones/r%C3%A0diotelevisi%C3%B3-valenciana-rtvv-demanem-a-rtvv-que-retiren-els-expedients-oberts-als-treballadors http://www.change.org/account_settings/edit_email_preferences Un saúdo Sección Sindical de CCOO na CRTVG

UNETE A CONCENTRACIÓN DE HOXE CONTRA OS RECORTES