28 JUNIO DIA DEL ORGULLO LGTB

28 DE JUNIO ¡IGUALDAD SIN RECORTES!

El actual Gobierno, mantiene un recurso de insconstitucionalidad ante el matrimonio entre parejas del mismo sexo, acaba de realizar recortes en sanidad que afectan a la reasignación de sexo de las personas transexuales... No cree en la igualdad de trato y no discriminación, y lo demuestra metiendo tijera allá por donde pasa... La política del Gobierno del Partido Popular, aboca cada vez a más personas a la exclusión social; entre ellas a las mujeres transexuales (muchas de ellas inmigrantes) que sufren una doble discriminación a la que es difícil hacer frente. En definitiva, el actual Gobierno quiere acabar con todo y en nuestra mano está no permitírselo. En los últimos años, la Federación de Servicios a la Ciudadanía hemos trabajado conformando un sólido equipo de trabajo LGTB, apoyándonos en una red de personas que cada vez es mayor, y que nos permite generar conciencia entre nuestras delegadas y delegados. Formar y sensibilizar a toda la estructura de la FSC, mostrando nuestro compromiso en todos los centros de trabajo. Hemos de ser conscientes de las dificultades que las personas LGTB atraviesan y superan día a día. Debemos conocer y escuchar su realidad en primera persona. Porque salir del armario es muy duro, y lo es más aún en el contexto laboral. Es en el trabajo donde pasamos la mayor parte de nuestra jornada diaria. Por eso un buen clima y un entorno proclive a la diversidad sexual, son vitales en nuestro desarrollo como personas. A través de cursos y jornadas formativas empezamos a tejer una tela con hilos de muchos colores, como somos las personas que integramos este pequeño-gran equipo. Materiales, imágenes, carteles... herramientas de trabajo para poder abordar la realidad. Este año, hemos traducido el decálogo que manifiesta nuestros objetivos, con el fin de que nuestras ideas lleguen a todos las personas, a todos las secciones sindicales, a todos los centros de trabajo... queremos manifestar y compartir nuestro orgullo de estar presentes y ser una opción también para las personas LGTB. Porque la lucha del colectivo de personas LGTB también es nuestra lucha sindical y su defensa es una de nuestras prioridades. Por eso, año tras año, en el entorno del 28 de junio, día del Orgullo LGTB, CCOO estamos ahí, nos visibilizamos orgullosas y orgullosos. Pero, en nuestra mano está, recoger este testigo y trabajar para que todos los días manifestemos nuestro orgullo y de este modo, CCOO logremos que todos los días sean 28 de junio. Camino Aure Gracia Secretaria de Políticas Sociales

CCOO ORGANIZOU UNHA XORNADA DE LOITA NOS MEDIOS DE COMUNICACIÓN

Comisións Obreiras organizou hoxe unha «xornada de loita» nos medios para todo o Estado. En Galicia houbo concentracións o martes 5 na Coruña (ás 12 horas) e Santiago de Compostela (ás 20 horas). Ademais, fíxose reparto de material informativo en Vigo e Ourense. Ramiro Otero, secretario xeral da Federación de Servizos á Cidadanía de CCOO —da que forma parte o Sector de Medios—, a información e a comunicación non poden quedar ao ditado do mercado e dos especuladores, que «esconderán a realidade e farán camiñar a cidadanía rumbo a unha sociedade carente de principios, ética e democracia». A privatización dos medios de comunicación públicos —vitais para garantir o dereito da cidadanía a recibir unha información plural e veraz—, así como a fonda crise que afecta os medios privados —especialmente aos xornais impresos—, pode provocar que acaben por non saír á luz casos de abusos, corrupción, suborno e nepotismo. Precisamente, grazas ao labor dos medios de comunicación, lembra o secretario xeral da FSC-CCOO, aínda é posible contarlle á cidadanía en que consisten os recortes sociais e económicos que se están a producir. Porén, se non cambian as cousas, «ao cidadán só lle chegará a información que interese aos propietarios dos medios e na liña que lles conveña». Pola súa parte, a responsable do Sector de Medios de CCOO de Galicia, Teté Pérez Pardo, lamenta a destrución de postos de traballo que se produciron no sector dos medios de comunicación. Nos últimos tempos os expedientes de regulación de emprego, os recortes de cadros de persoal, a redución salarial ou as negociacións dos convenios «á baixa» foron, criticou, «práctica habitual nun sector afectado por unha crecente precariedade laboral». Desde o ano 2008 destruíronse preto do 15% dos postos de traballo no sector en todo o Estado. En Galicia, nos últimos seis meses perdéronse entre 400 e 500 postos de traballo.

DÍA DE LOITA NOS MEDIOS DE COMUNICACIÓN

“Queren acabar con todo” non é unha frase feita nin un lema para unha folga xeral. O propio presidente do Goberno, Mariano Rajoy, declarou que haberá recortes en cada reunión do Consello de Ministros. Seica para toda a lexislatura porque non deu unha data límite. Ata o de agora é posible que o cidadán só notase que gaña menos diñeiro cada mes pola suba do IRPF. Iso si, non quedou no paro ou non lle reduciron o salario. Pero nos próximos meses subirá o IVE e incrementaranse os impostos. É dicir, vivirá peor porque gañará menos e as cousas custarán máis. Os outros recortes iraos notando máis tarde. Pouco e pouco, non de golpe. Nun momento dado descubrirá que, case sen se decatar, desapareceu o que xenericamente se coñece como Estado do benestar. E lembrará a famosa frase que di “un non sabe o que ten ata que o perde”. “E non queren que o contemos”. De verdade que no medio da maior crise da nosa historia, cando o paro leva camiño de superar os seis millóns de persoas, é tan importante para o Goberno do PP aprobar unha lei que permita a privatización da información nas radiotelevisións públicas? O mesmo ocorre cos medios privados. A crítica situación dos xornais impresos pode acabar provocando o peche de equipos de investigación. Non sairán á luz casos de abusos, corrupción, suborno ou nepotismo. Ao cidadán só lle chegará a información que interese aos propietarios e na liña que lles conveña. Non fará falta xente que participe na información nos próximos vinte ou trinta anos. Só persoas dispostas a actuar ao ditado dos que decidan como debe pensar, sentir e opinar a cidadanía. Os contrastes de opinións desaparecerán, salvo nos casos de enfrontamentos entre empresas de comunicación. A información e a comunicación non poden quedar ao ditado do mercado e dos especuladores, que esconderán a realidade e farán camiñar a cidadanía rumbo a unha sociedade carente de principios, ética e democracia. A sociedade dos seus intereses e as súas comenencias. Non se engane. Recortes para os cidadáns en educación, sanidade, comunicación e onde lle conveña ao Goberno de Rajoy, e todo o diñeiro do mundo para os bancos. Aínda llo podemos contar e vostede pode sabelo. Pero dentro dalgún tempo… Non o esqueza: “Un non sabe o que ten ata que o perde”.

REUNIÓN DO COMITÉ DE EMPRESA DE TVG. 22 de maio de 2012

REUNIÓN DO COMITÉ DE EMPRESA DE TVG data: 22 de maio de 2012 O Comité de TVG tratou e acordou nesta xuntanza o seguinte: 1.- Tratou a solicitude dun traballador que realiza funcións de nivel superior á súa categoría para que o Comité faga un informe que recolla esa situación. A presidencia vai elaborar ese informe para entregarllo ao interesado. 2.- Viuse o escrito dunha compañeira no que pide o apoio do Comité ante a valoración discriminatoria dos seus méritos no proceso da OEP. O caso exposto non é único dentro da anómala avaliación aplicada polos tribunais, que a uns lles valora certa experiencia mentres a outros, con idénticos méritos, non lla teñen en conta. A presidencia comunicarallo así a esta compañeira. 3.-Á pregunta sobre a constitución dunha plataforma de afectados da OEP, a presidencia di que non ten nada de que informar, porque se trata dunha acción á marxe do Comité. 4.-Convocouse o próximo pleno do Comité para o día 5 de xuño San Marcos, 22 de maio de 2012 SERVIZOS Á CIDADANÍA * SECCIÓN SINDICAL DE CCOO NA CRTVG

COMISIÓN DE FORMACIÓN. 10 MAIO 2012

ORDE DO DÍA: 1.- Lectura e aprobación, se procede, da acta anterior (axúntase) 2.- Cursos en desenvolvemento 3.- Cursos inmediatos 4.- Entrega de información sobre o estado actual de bolseiros 5.- Rogos e preguntas 1.- Cursos en realización: Autocad II. Ten moi poucos alumnos (3). Emisión de audio desde o exterior. RG. Nas 4 delegacións e en San Marcos. Grupos de 3. 2.- Queda convocado o curso de Tratamento de información económica. 3.- Hai problemas para realizar cursos, porque non se dispón de aulas, prevese que queden libres en poucos días. 4.- En xuño (a segunda quincena) comezará un curso de PowerPoint. O de Excel quedará para despois do veran. Están pendentes de traer os ordenadores, que son imprescindibles para o curso. O curso será impartido por Adecco, pero aínda non está pechado con eles. Os cursos de Excel e PowerPoint non serán "online", senón presenciais. 5.- Está previsto un curso de pintura para os colectivos de electricistas e mantemento. Polas características do curso, non poderá ser realizado en San Marcos. 6.- Entrega da relación de bolseiros con seu correspondente “responsable de acollida”. O titor, que é Paulino Novo, descoñece que os bolseiros saian a cubrir informacións relevantes con reporteiros gráficos, si isto sucede, haberá que explicar “casos concretos”.

REUNIÓN DO COMITÉ DE EMPRESA DE TVG. 14 de maio de 2012

REUNIÓN DO COMITÉ DE EMPRESA DE TVG 14 de maio de 2012 Nesta xuntanza extraordinaria do Comité de TVG, a solicitude de CCOO, tratouse o seguinte: 1.- A Sección Sindical de CCOO solicitou esta xuntanza extraordinaria para tratar o asunto da rectificación, no Galicia Noticias do 4 de maio, para “aclarar” que o bar que aparecía nas imaxes dunha nova non tiña relación coa mesma. A noticia rectificada con esa “aclaración” é a titulada “Droga Culleredo”, 8ª na escaleta emitida ás 14h05. Relata a denuncia de habitantes dun bloque de vivendas contra os veciños dun dos pisos, porque –segundo contan- venden droga. A información visual da noticia é coma a da maioría das novas dese informativo: a imaxe das testemuñas, a localización do problema (edificio), a do contorno (rúa),.. Nos setenta e nove_segundos que dura a noticia en ningún instante se destaca, nin se ve, nin se distingue a imaxe dun bar. O relato en off e as testemuñas tampouco citan en ningún momento ningún bar. Esta Sección Sindical recolleu de fontes directas a explicación sobre o sucedido: Desde a dirección de informativos, en plena emisión do espazo, telefonouse ao director do programa para dicirlle que tiña que emitir no mesmo esa rectificación da noticia. A argumentación foi que chamara a propiedade dun bar pedíndoa, xa que no seu negocio non tiña relación coa noticia relatada. Consideracións: 1.-A xefa de Informativos desprestixia o bo traballo e esforzo de profesionais dese Servizo sen ningún tipo de miramento. En consecuencia, desacredita e desprestixia esta Empresa sustentada cos impostos da cidadanía. 2-A xefa de Informativos non ve a emisión dos programas elaborados nese departamento. É máis; nin sequera ve a noticia en cuestión antes de ordenar a rectificación. Se a tivera mirado e escoitado, non perdería o tempo outorgándolle valor a unha demanda absurda e dando ordes descabelladas . 3.-Con esa decisión extraña, a xefa de Informativos establece un precedente negativo para que quen queira, e sen razón, esixa que rectifiquemos o que lle dea a gana. Sen embargo, á vista dos acontecementos nos últimos tempos, cando a realidade si esixe rectificación, non a ordena. 4.- Aos reiterados casos de manipulación informativa (caso Campión, folga xeral, marcha do Comité Interempresas contra a represión e a manipulación, etc.) denunciados polos Comités e algúns na prensa, á discriminación profesional (Mentres a uns xornalistas case non se lles asigna traballo, outros/as están sobrecargados/as) practicada a cotío no desenvolvemento do traballo na redacción de Informativos e á realización de entrevistas a altos cargos da Xunta sen participación de xornalista da Casa engádese agora este despropósito, inédito na profesión . 5.- A xestión da xefa de Informativos evidencia que non ten interese ningún e/ou non está cualificada para desenvolver a súa responsabilidade coa eficacia e equidade que require esta empresa pública de comunicación. Cremos que xa van excesivas falcatruadas. Estes feitos afastan máis aos Servizos Informativos do obxectivo de conseguir unha TVG auténticamente democrática e de servizo público, que difunda información veraz, imparcial e plural. Polo tanto, propoñemos a este comité que solicite a quen corresponda que a destitúa do cargo. É evidente que a actual xefa de Informativos é incapaz ou non ten ningún interese en exercer tal responsabilidade nas condicións que esta Empresa Pública require. Vótase a proposta de CCOO: A favor da proposta..............1 - (CCOO) En contra da proposta...........1 - (USO) Abstencións..........................11 - (4 CUT, 3 CIG, 2 USO, 1 UXT, 1 SXG)

REUNIÓN DO COMITÉ DE EMPRESA DE TVG. 8 de maio de 2012

REUNIÓN DO COMITÉ DE EMPRESA DE TVG. 8 de maio de 2012 Nesta xuntanza o Comité de TVG tratou os seguintes asuntos: 1.- A presidencia distribúe a copia dunha resolución da Inspección de Traballo como consecuencia da denuncia de que houbo persoal que excedeu o legal de oitenta horas extras. Inspección resolve “estender requirimento” (non sanciona) ao considerar que o exceso (de 1 a 4 horas máis das oitenta legais) é de pouca transcendencia. En todo caso, reiteramos que facer horas extra prexudica a contratación de profesionais que están nas listaxes agardando traballo. 2.-A presidencia informa dunha carta na que o operador de cámara Carlos Castiñeiras solicita o amparo do Comité por trato discriminatorio no desenvolvemento da súa actividade laboral. Como xa se decidira nun pleno anterior, trasládase o asunto á Comisión Paritaria para solicitarlle á Dirección da Empresa que aclare cal é a situación do traballador e esixirlle que practique un trato igualitario para este compañeiro e demais profesionais. 3.-Canto ao cumprimento do legalmente establecido para persoal en prácticas, bolseiros e beneficiarios da Feuga, o Comité agarda recibir de RRHH a lista dese persoal e manter a observación sobre cómo se desenvolven na práctica esas. Trátase de evitar que a Empresa utilice irregularmente ese colectivo en substitución de profesionais que están, en desemprego, nas listaxes de contratación. 4.-Esta Sección Sindical informa de que nos últimos minutos do Galicia Noticias Mediodía do pasado día 4 de maio se rectificou indebidamente unha noticia emitida once minutos antes no mesmo espazo. Polos datos recollidos desde CCOO sobre este feitos, consideramos que a xefa de informativos deu unha orde descabellada ao pedir que se rectificara onde non había nada que merecera tal exercicio. Estamos ante unha falcatruada inédita por parte da xefatura de informativos que se engade á manipulación reiterada (caso Campeón, tratamento da folga xeral, terxiversación da marcha do Comité Interempresas contra a represión e a manipulación, etc., etc.) e ao sectarismo aplicado a cotío na xestión da redacción de Informativos. A sección sindical de CCOO considera que xa son excesivas as anomalías que evidencian a incapacidade da xefa de informativos para desenvolver tal cargo cargo e pide que sexa destituída. O asunto volverá tratarse noutra xuntanza do Comité, despois de que a presidencia verifique o exposto hoxe sobre esa rectificación absurda emitida nun horario no que habitualmente esta canle logra a maior audiencia. 5.-Acordouse pedirlle por escrito á dirección que publique de inmediato a listaxe de vacacións anuais, pois o prazo máximo establecido para iso no Convenio foi o 15 de abril e nalgún departamento aínda están sen confirmar as datas solicitadas polo persoal. 6.-Como a Dirección segue sen mostrar o novo convenio con Meteogalicia, acordouse que a presidencia o reclame outra vez, previa a reclamación vía xudicial, para termos coñecemento directo dese documento. A próxima xuntanza do Comité de TVG quedou convocada para o día 22 deste mes. San Marcos, 8 de maio de 2012 SERVIZOS Á CIDADANÍA*Sección sindical de CCOO na CRTVG Bando San Marcos, S/N Santiago de