REUNIÓN DO COMITÉ INTEREMPRESAS DÍA: 8 de xuño de 2011

No día de hoxe quedou constituído o Comité Interempresas da CRTVG, TVG e RTG, con trece membros distribuídos do seguinte xeito:

CUT - 4: Raquel Lema, Alberto Vázquez, David Paz e Carlos de Novoa.
CIG - 3: Xoan Docampo, Pío Cesar Romero e Santiago Alvite.
UXT - 2: Antonio Nieves e Raimundo Méndez.
USO - 2: Manuel Cereijo e Fernando Santos.
CCOO – 1: Carlos Juanatey.
Alternativa RG – 1: Begoña Vázquez.

A constitución estivo precedida por algunhas diferencias sobre a súa composición. Mentres que a USO entendía que había que facelo en función dos representantes electos en San Marcos (31) sen contar cos das delegacións (8), o que lle daba un delegado máis en detrimento da CUT, o resto de sindicatos víamos a conveniencia de facelo contando co conxunto de delegados electos (39). Acordouse finalmente constituílo conforme á opinión maioritaria, reservándose a USO o seu dereito a reclamar si así o considera convínte.

Por outra banda houbo diferencias entre a CIG e a UXT que empataban a número de delegados. Mentres a CIG entendía que había que desfacer o empate en beneficio do máis votado, a UXT valoraba a existencia de laudos nos que os empates desfacíanse por sorteo. Finalmente a UXT desistiu da súa proposta en aras de poder constituír hoxe o Comité, reservándose a valoración de posibles reclamacións.

A única proposta para asumir a presidencia e a secretaría foi a realizada pola CUT que quedou resolta da seguinte maneira:

Presidencia: Raquel Lema Astray
4 votos a favor (CUT) e 9 abstencións (CIG, UXT, USO, CCOO e Alternativa RG).

Secretaría: David Paz
4 votos a favor (CUT) e 9 abstencións (CIG, UXT, USO, CCOO e Alternativa RG).

Antes de rematar a reunión CCOO propuxo que na reunión do mércores da vindeira semana se comezasen a abordar os seguintes temas pendentes:

Redefinición de categorías (art. 12.2 do C.C.)
Plan de igualdade (art. 120 do C.C.)
Consello de redacción (Adic. 4ª)
Negociación das delegacións (Adic. 3ª)
Negociación da nova estructuralidade (art. 16.3 do C.C.)
Nomeamento dos membros das comisións: Formación, Seguridade e Saude Laboral, Xestión de listaxes de contratación, Traslados, Igualdade e Paritaria de interpretación e vixilancia do C.C.



San Marcos a 8 de xuño de 2011

REUNIÓN DO COMITÉ DE EMPRESA TVG. DÍA: 7 de xuño de 2011-06-07

O pleno do Comité de Empresa acordou nesta sesión:

.-Retoma-la actividade para a posta en marcha do Consello de Redacción (CR). Ademais, a proposta de CCOO, decidiuse que mentres non se constitúa ese órgano, sexa o Comité de Empresa quen asuma a función do CR.

.-CCOO tamén advertiu ante o pleno de que o parte de incidencias de nómina reflicte un caso de pagamento de complemento de “productividade variable”. Ese ´plus´ non figura no Convenio Colectivo en vigor.

.-CCOO tamén deixou constancia de que a Empresa non facilitou a copia básica do contrato de traballo dunha compañeira.

.-Elaborar un escrito pedíndolle á Dirección da Empresa que retire a proposta de sanción a dúas compañeiras da delegación de Vigo e a un compañeiro da de Lugo.

.-Difundir unha nota (na empresa e con envío aos medios de información de Galicia) amosando a disconformidade cos tribunais que configurou a Dirección da Empresa para a OEP.

.-Analizar a posible impugnación deses tribunais porque nalgún caso contravén o legalmente establecido.

.-Pedirlle á Empresa que se lle dea rexistro de entrada a tódalas reclamacións formuladas en relación coas preguntas da OEP. E é que algunhas non o conseguiron no seu momento por falta de persoal en servizo que recollese os documentos.

.-Elaborar un escrito de denuncia pública (tamén para envialo aos medios de información) sobre os últimos casos de manipulación informativa.

.- Tamén se acordou remitirlle á Dirección da Empresa un escrito sobre o reparto e carga de traballo desigual na Redacción de Informativos. En caso de que non surta efecto, denunciarase a situación ante a Inspección de Traballo.


SECCIÓN SINDICAL DE CCOO-CRTVG 07.XUÑO.2011